16:51 25 თებერვალი 2020
პირდაპირი ეთერი
  • EUR3.0370
  • 100 RUB4.2987
  • USD2.8079
საზოგადოება
მოკლე ბმულის მიღება
106 0 0

ომარ მახარაძის განცხადების თაობაზე გადაწყვეტილებას საკრებულო უახლოეს სხდომაზე მიიღებს

თბილისი, 27 მაისი — Sputnik. სექსუალურ ძალადობაში დადანაშაულებული ლექტორი ომარ მახარაძე ბათუმის საკრებულოში იურიდიულ და საპროცედურო საკითხთა კომისიის თავმჯდომარის თანამდებობასა და ფრაქცია „ქართული ოცნება - მრეწველების“ რიგებს ტოვებს, იუწყება აჭარის ტელევიზია.

რამდენიმე  დღის წინ 19 წლის სტუდენტმა ლექტორი სექსუალური ხასიათის მიმოწერასა და შევიწროებაში დაადანაშაულა. მისი განცხადებით, ლექტორი სოციალურ ქსელში გოგონას სწერდა და „თამამი სელფების" გაგზავნაზე მის დაყოლიებას ცდილობდა. სტუდენტის თქმით, მას აღნიშნული ფაქტის დამადასტურებელი ფოტომასალა და მიმოწერა აქვს. სექსუალურ შევიწროებაში დადანაშაულებულ პროფესორს სტუდენტებთან ურთიერთობა დროებით აუკრძალეს.

თანამდებობის დატოვების მოთხოვნით ომარ მახარაძემ ბათუმის საკრებულოს თავმჯდომარეს სულიკო თებიძეს დღეს მიმართა.

„იმისათვის, რომ დადგინდეს ჭეშმარიტება და არავინ იფიქროს, რომ ჩემი მხრიდან ადგილი ექნება რაიმე სახით არამართლზომიერი ჩარევის მცდელობას, მივიღე გადაწყვეტილება, რომ დავტოვო საკრებულოში დაკავებული თანამდებობა და ფრაქციის რიგები სიმართლის დადგენამდე“, - განაცხადა მახარაძემ.

მოქმედი კანონმდებლობის და ბათუმის საკრებულოს რეგლამენტის შესაბამისად, ომარ მახარაძის განცხადების თაობაზე გადაწყვეტილებას საკრებულო უახლოეს სხდომაზე მიიღებს.

თავდაპირველად გამოძიება საქართველოს სსკ-ის 150-ე მუხლით დაიწყო, რა იძულებას გულისხმობს, თუმცა მოგვიანებით მუხლი შეიცვალა. სამართალდამცველები ამ ეტაპზე საკითხს, სექსუალური ხასიათის ქმედების იძულების მუხლით იძიებენ.

 

მთავარი თემები