12:10 16 ოქტომბერი 2019
პირდაპირი ეთერი
  • EUR3.2725
  • 100 RUB4.6078
  • USD2.9701
გორში სეტყვისგან დაზარალებულები მთავრობისგან ითხოვენ დახმარებას

მოსახლეობას შიმშილის ეშინია – აქცია ავტობანზე

© Sputnik / Shota Nozadze
საზოგადოება
მოკლე ბმულის მიღება
263 0 0

სტიქიისგან დაზარალებული მოსახლეობა ამ წუთებში დედაქალაქიდან დასავლეთისკენ მიმავალ ავტობანზე აქციას მართავს.

თბილისი, 27 მაისი — Sputnik. გორის მუნიციპალიტეტის სოფლების მცხოვრებნი ამ წუთებში აღმოსავლეთი და დასავლეთი საქართველოს დამაკავშირებელ ავტომაგისტრალზე აქციას მართავენ.

„Sputnik–საქართველოს“ კორესპონდენტის ცნობით, ავტობანის განაპირას, გორის გადასახვევთან 200-მდე ადამიანია შეკრებილი და საქართველოს სოფლის მეურნეობის მინისტრის მისვლას ელოდება.

Акция протеста в Гори
© Sputnik / Shota Nozadze
Акция протеста в Гори

აქციის მონაწილეთა თქმით, შაბათს მოსულმა სეტყვამ სრულად მიწასთან გაასწორა მათი სასოფლო-სამეურნეო სავარგულები. 100%-ით არის განადგურებული მოსავალი და თუ სახელმწიფო ხალხს არ დაეხმარება, მოსახლეობას გარდაუვალი შიმშილი ელოდება.

აქციის ადგილზე მობილიზებული არიან სამართალდამცველები, რომლებიც სოფლების მცხოვრებლებს ავტობანის გადაკეტვის საშუალებას არ აძლევენ.

გასულ უქმეებზე მოსულმა სეტყვამ ძლიერ დააზარალა გორის მუნიციპალიტეტის სოფლები ტყვიავი, შინდისი, ქერე, მერეთი, დიცი, ნიქოზი და სხვ.

სეტყვის შედეგად დაზიანდა ხეხილისა და ბოსტნეულის ბაღები. სეტყვა სოფლებში დაახლოებით ათი წუთის განმავლობაში გადაუღებლად გრძელდებოდა.

არსებული ინფორმაციით, განსაკუთრებით მძიმე მდგომარეობაა გორის მუნიციპალიტეტის სოფელ ქერეში. აქ ძლიერმა სეტყვამ მოსავლის თითქმის 100% გაანადგურა. დაზიანებულია საცხოვრებელი სახლების სახურავებიც.

მთავარი თემები