მართვის მოწმობის მისაღებად გამოცდა ქალაქის პირობებში სავარაუდოდ ზაფხულიდან ჩატარდება

© photo: Sputnikმოძღაობა თბილისის გზებზე
მოძღაობა თბილისის გზებზე - Sputnik საქართველო
გამოწერა
შსს-მ უკვე შეიმუშავა ცვლილებები, რომელიც ეხება მართვის მოწმობის მისაღებად პრაქტიკული გამოცდის ჩაბარების წესების შეცვლას - ახლა საჭიროა ამ ცვლილებების დამტკიცება მთავრობის და პარლამენტის მიერ

თბილისი, 5 მაისი - Sputnik. საქართველოში მართვის მოწმობის მიღების მსურველებს პრაქტიკული გამოცდის ჩაბარება ქალაქის პირობებში შესაძლოა უკვე აგვისტოდან მოუწევთ, იუწყება პირველი არხი.

მართვის მოწმობის შეცვლის დროა: ვის შეეხება სიახლე >>>

პრაქტიკული გამოცდის ქუჩაში გადატანის საკითხი გზებზე უსაფრთხოების ამაღლების პოლიტიკის ფარგლებში უკვე დიდი ხანია განიხილება. იდეის მომხრეები ამტკიცებენ, რომ ამგვარად მართვის მოწმობის მიღებას მხოლოდ კარგად ნასწავლი მძღოლები შეძლებენ.

„ამოტრიალებული ავტომობილის“ ინსტალაცია თბილისში - Sputnik საქართველო
ამობრუნებული ავტომობილების ინსტალაციები ბათუმი-ქობულეთის ავტობანზეც გამოჩნდა

გამოცდის ჩაბარების წესში ცვლილების შესატანად საკანონმდებლო ცვლილებებია საჭირო. ამისათვის ინიციატივა უნდა განიხილოს მთავრობამ, და, მოწონების შემთხვევაში კანონპროექტი წარედგინება პარლამენტს, რომელმაც ის სამი მოსმენით უნდა მიიღოს.

პირველი არხის მონაცემებით, ინიციატივაზე მუშაობა პრაქტიკულად დასრულებულია და ახლა შსს გამოცდის ჩატარების კონკრეტული ლოკაციის საკითხს განიხილავს.

დღეისათვის პრაქტიკული გამოცდას აბარებენ სპეციალურ მოედნებზე და გარკვეულ მანევრებს ასრულებენ. გამოცდის ჩაბარება შესაძლებელია როგორც მექანიკური, ისე ავტომატური გადაცემათა კოლოფის მქონე უწყებრივ მანქანებზე.

მძღოლების საყურადღებოდ! მოძრაობის წესების დარღვევებზე ჯარიმები იზრდება >>

ასეთი მოედნები არის საქართველოს 13 ქალაქში, მათ შორის რუსთავში, თელავში, ახალქალაქში, გოში, ახალციხეში, საჩხერეში, ამბროლაურში, ქუთაისში, ოზურგეთში, ფოთში, ბათუმში, ზუგდიდში და მესტიაში.

საცობები - Sputnik საქართველო
რამდენი მილიონი ლარით შეავსეს მძღოლებმა ბიუჯეტი

მართვის მოწმობის მისაღებად პრაქტიკული გამოცდის რეალურ პირობებში ჩაბარების წესი ევროკავშირთან ასოცირების შეთანხმებით არის გათვალისწინებული.

ადრე მართვის მოწმობის მიღების მსურველებს ამოცანა ერთხელ უკვე გაურთულეს. საგამოცდო ტესტებში კითხვების რაოდენობა 1792-მდე გაიზარდა - დაემატა 51 კითხვა ეკოლოგიაზე.

საქართველოს მოსახლეობა 3,7 მილიონ ადამიანს აჭარბებს, ამასთან ყოველ მესამეს საკუთარი ავტომობილი ჰყავს.

ყველა ახალი ამბავი
0