მართვის მოწმობის შეცვლის დროა: ვის შეეხება სიახლე

© photo: Sputnik / Stringerმართვის მოწმობა
მართვის მოწმობა - Sputnik საქართველო
გამოწერა
1 მარტამდე ავტომობილების მძღოლებს C, CE, D, DE, C1, C1E, D1 და D1E კატეგორიის მართვის მოწმობების შეცვლა მოუწევთ

თბილისი, 6 იანვარი – Sputnik. 2014 წლის 1 მარტამდე გაცემული მართვის მოწმობები, რომლებიც სატვირთოების, მიკროავტობუსების და ავტობუსების მართვის უფლებას იძლევა, მიმდინარე წლის 1 მარტიდან ძალას კარგავს, ნათქვამია შსს-ს ვებგვერდზე გავრცელებულ განცხადებაში.

შეცვლას ექვემდებარება C, CE, D, DE, C1, C1E, D1 და D1E კატეგორიის მართვის მოწმობები.

დღეიდან 2006 წლის 1 აპრილამდე გაცემულ მართვის მოწმობებს ძალა აღარ აქვთ >>

ამისათვის მძღოლებმა უნდა მიმართონ შსს-ს მომსახურების სააგენტოს ნებისმიერ ფილიალს, მიიტანონ ჯანმრთელობის ცნობა, პირადობის დამადასტურებელი მოწმობა და მართვის მოწმობა. მართვის მოწმობის შეცვლის საფასური 15 ლარია, ხოლო აღდგენის - 35 ლარი.

მართვის მოწმობის შეცვლისას გამოცდის ჩაბარება საჭირო არ არის.

თბილისის გზებზე - Sputnik საქართველო
„ჭკვიანი კამერები“ მოქმედებაში - სიჩქარის გადაჭარბების რიცხვმა 37 ათასს გადააჭარბა

C, CE, D, DE, C1, C1E, D1 და D1E კატეგორიის მართვის მოწმობები 2014 წლის 1 მარტამდე გაიცემოდა უვადოდ, ხოლო შემდგომში - 5 წლის ვადით.

რაც შეეხება A, B, BE, T, S, A1 და B1 კატეგორიებისა და ქვეკატეგორიების მართვის მოწმობებს, რომლებიც 2006 წლის 1 აპრილის შემდეგ არის გაცემული, მათი მოქმედების ვადა 2018 წლის 1 სექტემბრამდე განისაზღვრა.

2018 წლის აპრილამდე შსს უცვლიდა მართვის მოწმობებს იმ მძღოლებს, ვისაც ის 2006 წლამდე აქვს მიღებული.

საქართველოს კანონმდებლობის თანახმად, მართვის მოწმობის გარეშე ავტომობილის მართვა 500 ლარის ოდენობის ჯარიმით ისჯება.

© Sputnik / Maria Tsimintiaსაქართველოში მართვის მოწმობის აღება GEO VERS
მართვის მოწმობის შეცვლის დროა: ვის შეეხება სიახლე - Sputnik საქართველო
საქართველოში მართვის მოწმობის აღება GEO VERS

 

ყველა ახალი ამბავი
0