19:48 23 მარტი 2019
პირდაპირი ეთერი
  • EUR3.0327
  • 100 RUB4.1751
  • USD2.6821
გმირთა მოედანი

თბილისის მიწისქვეშა გადასასვლელები არტ-ობიექტებად გადაიქცევა

© Sputnik / Vladimir Umikashvili.
საზოგადოება
მოკლე ბმულის მიღება
თბილისის მერია–2018 (200)
47 0 0

თბილისში 55 მიწისქვეშა გადასასვლელია და აქედან რამდენიმე ახალგაზრდა მხატვრებს დაეთმობა

თბილისი, 10 იანვარი — Sputnik. თბილისის მერია ახალგაზრდა მხატვრებს შემოქმედებითი საქმიანობისთვის ქალაქის მიწისქვეშა გადასასვლელებში ადგილს გამოუყოფს, ნათქვამია კულტურის, განათლების, სპორტისა და ახალგაზრდულ საქმეთა სამსახურის განცხადებაში.

სტრიტ-არტი თბილისის ქუჩებში: მერია ახალ პროექტს იწყებს>>>

პროექტში მონაწილეობის მსურველებმა მოთხოვნა უნდა გააგზავნონ ელ.ფოსტაზე paintfreezone@gmail.com-ზე. ესკიზებს პროექტის საორგანიზაციო ჯგუფი განიხილავს, რომელმაც გადაწყვეტილება უნდა მიიღოს მოთხოვნის შესვლიდან არაუგვიანეს 5 სამუშაო დღეში.

შეფასების კრიტერიუმები: „არა პოლიტიკა", „არა რელიგია", „არა რეკლამა". ამასთან, ორგანიზატორები აღნიშნავენ, რომ ესკიზები მაქსიმალურად ობიექტურად შეფასდება.

პროექტში გამარჯვებულებს უფასოდ გადაეცემათ სამუშაო მასალა.

2017 წლის დასაწყისში, ვიდრე მერის უფლებამოსილების აღსრულებას შეუდგებოდა, თბილისის არჩეულმა მერმა კახა კალაძემ გმირთა მოედნის მიწისქვეშა გადასასვლელი მოინახულა, სადაც იმ დროისთვის გაუსაძლისი ვითარება იყო. კალაძის დავალებით მიწისქვეშა გადასასვლელი დაასუფთავეს, დაამონტაჟეს განათება და ტერიტორიის გასალამაზებლად სტრიტ-არტის მხატვრები მოიწვიეს. მიწისქვეშა გადასასვლელის მოხატვაზე რამდენიმე კვირის განმავლობაში 30-მდე მხატვარმა იზრუნა. მაშინ კალაძემ პირობა დადო, რომ ქუჩის მხატვრების წყალობით დედაქალაქის რამდენიმე მიწისქვეშა გადასასვლელი განახლდებოდა.

დედაქალაქში სულ 55 მიწისქვეშა გადასასვლელია, მათგან 33 – კომერციული ფართი და ისინი იჯარით არის გაცემული.

 

თემები:
თბილისის მერია–2018 (200)

მთავარი თემები