06:14 23 იანვარი 2021
პირდაპირი ეთერი
  • EUR4.0228
  • 100 RUB4.4121
  • USD3.3044
საზოგადოება
მოკლე ბმულის მიღება
ეკოლოგია საქართველოში -2018 (45)
210 0 0

სპეციალისტები თბილისის ჰაერში ტყვიის შემცველობის დონეს ადგენენ

თბილისი, 26 დეკემბერი - Sputnik. თბილისის ოთხ ლოკაციაზე ჰაერში ტყვიის შემცველობა დადგენილ ნორმას არ აღემატება - ასეთია გარემოს ეროვნული სააგენტოს მიერ ჩატარებული ლაბორატორიული კვლევის შედეგები, ნათქვამია უწყების ვებგვერდზე.

საიდან გაჩნდა სუნელებში ტყვია >>

სააგენტოს სპეციალისტები საქართველოს ატმოსფერულ ჰაერში ტყვიის შემცველობის განსაზღვრას აგრძელებენ, განსაკუთრებული ყურადღება ეთმობა საბავშვო ბაღებისა და სკოლების მიმდებარე ტერიტორიებს.

გასულ კვირაში სპეციალისტებმა აიღეს ნიმუშები ოთხ ადგილას: ბათუმის შესახვევი N6 - ბაგა-ბაღი N90, ვაჟა-ფშაველას გამზ. N49 – N199 საჯარო სკოლასთან, ვაჟა-ფშაველას გამზ. N49 - N83 საბავშვო ბაღი „ჭიამაია“-სთან და აგლაძის ქუჩაზე.

რაც შეეხება სხვა მავნე ნივთიერებებს, თბილისში, ბათუმსა და ქუთაისში მომატებულია აზოტის დიოქსიდის (NO2) და მყარი ნაწილაკების (PM10) კონცენტრაციები. ამ მავნე ნივთიერებების მომატება 18-23 დეკემბერს დაფიქსირდა თბილისში წერეთლის გამზირზე, ვარკეთილში, ვაშლიჯვარსა და ყაზბეგის გამზირზე. ბათუმში - აბუსერიძის ქუჩაზე.

ბავშვების ტყვიით მოწამვლა ერთ-ერთ სერიოზულ პრობლემად რჩება. ტყვიას ისუნთქავენ, რადგან ის ჰაერშია უმცირესი ნაწილაკების სახით, რომელსაც გამოყოფს ავტომობილი გამონაბოლქვთან ერთად, ან ორთქლდება ტყვიის საფუძველზე დამზადებული საღებავიდან და ა. შ.

ტყვია თუ ადამიანის ორგანიზმშია, მისი პოვნა შესაძლებელია სისხლსა და შარდში. ის ასევე გროვდება ძვლებში, თმასა და კბილებში.

თემები:
ეკოლოგია საქართველოში -2018 (45)

მთავარი თემები