22:27 17 ნოემბერი 2018
პირდაპირი ეთერი
  • EUR3.0268
  • 100 RUB4.0447
  • USD2.6727
უდაბნოს ქარიშხალი

საქართველოს ჰაერში უდაბნოს მტვრის ნაწილაკები გავრცელდა

© photo: Sputnik / Igor Mikhalev
საზოგადოება
მოკლე ბმულის მიღება
244 0 0

უდაბნოს ნაწილაკები და სხვა დაბინძურება ადამიანის ჯანმრთელობაზე უარყოფითად მოქმედებს

თბილისი, 11 სექტემბერი — Sputnik. საქართველოს ტერიტორიაზე უდაბნოს მტვრის ნაწილაკების შემცველი ჰაერის მასები გავრცელდა, იუწყება საზოგადოებრივი მაუწყებლის პირველი არხი.

სპეციალისტების აზრით, ნაწილაკები საქართველოდან საჰარის — დედამიწის ყველაზე დიდი უდაბნოდან შეიძლება შემოვიდა. ყოველწლიურად ქარი დაახლოებით 60-დან 200 მილიონ ტონამდე ნიადაგსა და მთის ქანებს გადააადგილებს.

საქართველოს გარემოს დაცვისა და სოფლის მეურნეობის სამინისტრო ავტომატური სადგურის მეშვეობით ატმოსფერული ჰაერის უწყვეტ მონიტორინგს ანხორციელებს.

სექტემბრის დასაწყისში თბილისსა და ქუთაისში დაფიქსირდა მყარი ნაწილაკების (PM10) მაღალი კონცენტრაცია. მყარი ნაწილაკების დონის მატება გამოწვეულია ტრანსსასაზღვრო დაბინძურებით, რაც უდაბნოს მტვრის ნაწილაკების გავრცელებას უკავშირდება. ჰაერის დაბინძურების ეს წყარო ჯანმრთელობისთვის სერიოზულ საფრთხეს წარმოადგენს — მყარ ნაწილაკებს შეუძლია ფილტვში ღრმად შეღწევა და „დაბუდება".

სექტემბრის დასაწყისში თბილისში, წერეთლის გამზირზე და ბათუმში აბუსერიძის ქუჩაზე აზოტის დიოქსიდის კონცენტრაციების ჭარბი დონე დაფიქსირდა, რაც საწვავის არასრულ წვას უკავშირდება.

აზოტის დიოქსიდი ტოქსიკური ნივთიერებაა, რომელიც უარყოფითად მოქმედებს სასუნთქ გზებზე, იწვევს თვალების გაღიზიანებას, ყნოსვის შესუსტებას. დიდი ხნის ზემოქმედების შედეგად ვითარდება ბრონქიტი, ფილტვების ანთება.

დამტკიცებულია, რომ დაბინძურებული ჰაერი ონკოლოგიური დაავადებების ერთ-ერთი გამომწვევი მიზეზია.

 

მთავარი თემები