მოწამეთას მონასტრის რეაბილიტაციაზე და კეთილმოწყობაზე მილიონ ლარზე მეტი დაიხარჯება

გამოწერა
სამუშაოებს მსოფლიო ბანკის დაფინანსებით საქართველოს მუნიციპალური განვითარების ფონდი გაახორციელებს.

თბილისი, 9 აგვისტო — Sputnik. მოწამეთას მონასტრის გალავნის გამაგრებითი სამუშაოების ჩასატარებლად და ძეგლის მიმდებარედ ტურისტული ზონების კეთილმოსაწყობად  მსოფლიო ბანკი 1,4 მილიონ ლარს გამოყოფს, განუცხადეს  „Sputnik-საქართველოს“ საქართველოს მუნიციპალური განვითარების ფონდში.  

უჯარმის ციხე - Sputnik საქართველო
უჯარმის ციხე-ქალაქის კომპლექსის რესტავრაცია დაიწყო

მოწამეთას მონასტერი ძველი ქართული კულტურის ერთ-ერთ მნიშვნელოვანი ძეგლია და ის  ტყიბულის მუნიციპალიტეტში, სოფელ მოწამეთას მახლობლად მდებარეობს. 

პროექტი ითვალისწინებს გალავნის კედლების გამაგრებით სამუშაოებს, ვიზიტორთა ცენტრის, ავტოსადგომის, საკომუნიკაციო სისტემისა და საპირფარეშოების მშენებლობა- რეაბილიტაციას.

პროექტის მიზანი  ტურისტული ინფრასტრუქტურის მოწესრიგებაა, რაც იმერეთის რეგიონში ტურიზმის განვითარებას შეუწყობს ხელს.

სამუშაოები მიმდინარე წლის შემოდგომაზე დაიწყება და 12 თვეში დასრულდება.

სამუშაოებს მსოფლიო ბანკის დაფინანსებით  საქართველოს მუნიციპალური განვითარების ფონდი განახორციელებს. 


ყველა ახალი ამბავი
0