14:54 20 აპრილი 2018
პირდაპირი ეთერი
ბაკურიანი

რას სთავაზობს ბაკურიანი დამსვენებლებს - მომსახურება და ფასები

© Sputnik / Alexander Imedashvili
საზოგადოება
მოკლე ბმულის მიღება
338 0 0

ამ დროისთვის საართველოს ერთ-ერთ ყველაზე პოპულარულ სამთო-სათხილამურო კურორტ ბაკურიანში თოვლის საფარი დაახლოებით 0,30 მეტრია.

თბილისი, 13 იანვარი — Sputnik. უკვე მრავალი წელია სამთო-სათხილამურო კურორტი ბაკურიანი დიდი პოპულარობით სარგებლობს როგორც ქართველ, ასევე უცხოელ ტურისტებს შორის. Sputnik საქართველო შეეცადა გაერკვია რა დაუჯდებათ ტურისტებს ბაკურიანში დასვენება: 

კურორტზე სასტუმროს ფასები, მომსახურების ხარისხის მიხედვით, 1 პერსონაზე 30 ლარიდან იწყება. შესაძლებელია, როგორც ცალკეული ნომრების, ასევე სრულად კოტეჯის დაქირავება და თუ მეგობრების დიდ ჯგუფთან ერთად აპირებთ დასასვენებლად წასვლას, ეს უკანასკნელი უფრო იაფი დაგიჯდებათ. 

დამსვენებლები ბაკურიანში
© Sputnik / Shota Nozadze
დამსვენებლები ბაკურიანში

ბაკურიანში ყველაზე პოპულარული გასართობი საშუალებაა თხილამურები. თხილამურებისგან ერთ საათიანი სპორტული სიამოვნების მიღება სულ რაღაც 5 ლარი ღირს, ნახევარი დღით ქირაობა კი — 10 ლარი. დილეტანტ მოთხილამურეს დაეხმარება მასწავლებელი, რომლის საათობრივი მომსახურეობა 25 ლარია.

კურორტზე არის 14 — კილომეტრიანი 7 სათხილამურო გზა, რომელიც გათვლილია ყველა ტიპის მოთხილამურეზე.

არის ოთხი საბაგირო — გონდოლას ტიპის, სკამებიანი (ბაბლი), ბიგელი და ფუნიკულიორი. საბაგირო ყოველდღე 10:00-17:00-მდე მუშაობს.

დიდველის ტრასაზე სრიალი ღამეც შესაძლებელია — დამონტაჟებულია მაღალტექნოლოგიური ფერადი, ე.წ. ლედ-განათებები.

„თოვლის უდაბნოში“ დამსვენებლებს, კურორტის დათვალიერება ადგილობრივი სამოგზაურო ტურების ფარგლებში კვადროციკლით და ბურანით შეუძლიათ. ტურის ღირებულება კაცზე 100-120 ლარია.

ბაკურიანი
© Sputnik / Shota Nozadze
ბაკურიანი

კურორტზე ბურანით ერთ კილომეტრიანი წრის დაფარვა ხუთი ლარი ღირს, ერთი საათით ქირაობა კი — 180 ლარი. თუ ბურანით პირველად სარგებლობთ, სტუმართმოყვარე მეპატრონეები დაგეხმარებიან მართვის ადვილად ათვისებაში.

ცხენებით ჯირითის მოყვარულებს შეუძლიათ ცხენებით გასეირნება, რაც ერთი საათი 30 ლარი ღირს, 500 მეტრიანი ერთი წრის დაფარვა კი — 5 ლარი. ასევე შეგიძლიათ იქირავოთ ფაეტონი საათში 30 ლარად. 

ბაკურიანი
© Sputnik / Shota Nozadze
ბაკურიანი

რაც შეეხება კაფეებსა და სხვა კვების ობიექტებს, აქ ფასები დიდად არ განსხვავდება ქვეყნის სხვა კურორტებზე არსებული ფასებისაგან. 

 

 


მთავარი თემები