თბილისი, 12 დეკემბერი — Sputnik. ნაძვის ხეების ტრადიციული ფესტივალი თბილისის ძველ უბანში, მეიდანზე 23-24 დეკემბერს გაიმართება, აღნიშნულია ორგანიზატორების განცხადებაში Facebook-გვერდზე.
ფესტივალის სტუმრებს შესთავაზებენ ორიგინალურ ნაძვის ხეებს და სამკაულების, სათამაშოებისა და აქსესუარების საახალწლო გამოფენა-გაყიდვას.
ფესტივალი არ ჩატარდება ტკბილეულის — ჩურჩხელების, გოზინაყის, ცხელი გლინტვეინის, ჩაისა, შოკოლადისა და სხვა ნუგბარის გარეშეც.
დღის განმავლობაში, განწყობის ასამაღლებლად, საახალწლო თემატიკის მუსიკა აჟღერდება. დასასრულ კი გრანდიოზული ფოიერვერკი მოეწყობა.
თბილისის ხელისუფლება დედაქალაქს ახალი წლისთვის აქტიურად ამზადებს. ქუჩებს რთავენ საახალწლო ილუმინაციებით და მუშაობენ სადღესასწაულო ღონისძიებების დეტალებზე.