07:04 13 ივნისი 2021
პირდაპირი ეთერი
  • EUR3.8523
  • 100 RUB4.4253
  • USD3.1701
რუსეთი
მოკლე ბმულის მიღება
56 0 0

განაცხადი რუსეთის პრეზიდენტის მშვიდობის პრემიაზე წარსადგენად ოსლოში მდებარე ნობელის კომიტეტში 10 სექტემბერს შევიდა.

თბილისი, 13 მაისი – Sputnik. ნობელის კომიტეტმა რუსეთის პრეზიდენტი ვლადიმირ პუტინი 2021 წლის მშვიდობის ნობელის პრემიის ლაურეატობის კანდიდატთა სიაში შეიყვანა, ნომინაციაში წარდგენილ პირთა წინასწარი რაოდენობა 286 ადამიანს შეადგენს, განაცხადა აკადემიკოსმა, მწერალმა სერგეი კომკოვმა, რომელმაც პუტინი პრემიაზე წარადგინა.

მანამდე ცნობილი გახდა, რომ განაცხადი რუსეთის პრეზიდენტის მშვიდობის პრემიაზე წარსადგენად ოსლოში მდებარე ნობელის კომიტეტში 10 სექტემბერს შევიდა.

„მივიღე პასუხი, რომ „თქვენი კანდიდატი ჩართულია სიაში“ და წელს ნომინანტთა საერთო რაოდენობა ჯერ ზუსტდება, მაგრამ წინასწარი რაოდენობა 286 ადამიანს შეადგენს“, - განუცხადა კომკოვმა РИА Новости-ს.

აკადემიკოსმა დასძინა, რომ პუტინი მშვიდობის ნობელის პრემიის კანდიდატთა სიაში 2014 წელსაც შეიყვანეს, მაშინ ნომინაციაში სულ 278 ადამიანი იყო წარდგენილი.

ნობელის პრემია მშვიდობის დარგში ენიჭება პიროვნებასა ან ორგანიზაციას მშვიდობის განმტკიცებაში შეტანილი დიდი წვლილის გამო. 2020 წელს ნობელის პრემია მშვიდობის დარგში გაეროს სასურსათო პროგრამას გადაეცა. მის ლაურეატებს შორის არიან ნელსონ მანდელა, ბარაკ ობამა, იასირ არაფატი და სხვ. რუსეთის ან სსრკ-ის მოქალაქეებს შორის პრემია ჯერჯერობით ერთადერთ ადამიანს - მიხეილ გორბაჩოვს მიენიჭა.

ლაურეატის ვინაობა ოსლოში 8 ოქტომბერს გამოცხადდება.

მთავარი თემები