ნეტარი ვასილის სახელობის ტაძარი რუსეთში - Sputnik საქართველო
ეს უცნაური რუსეთი, ეს უცნაური რუსები
ახალი და საინტერესო ამბები რუსეთის, რუსული შოუბიზნესის, უცნაური მოვლენებისა და სახალისო შემთხვევების შესახებ, წაიკითხეთ „Sputnik საქართველოს“ ვებგვერდზე.

ადამიანის ორეული: მრავალფუნქციურ ცენტრში რობოტი-გოგონა დასაქმდა

© photo: Sputnik / Anton Denisovპრომორობოტი
პრომორობოტი - Sputnik საქართველო
გამოწერა
მრავალფუნქციური მომსახურების ცენტრში, რომელიც მოქალაქეებს სახელმწიფო სერვისებს სთავაზობს, ადამიანის მსგავსი რობოტი-გოგონა მუშაობს.

თბილისი, 10 ივლისი — Sputnik. ადამიანის მსგავსი რობოტი-გოგონა პერმის მხარეში მრავალფუნქციური ცენტრის თანამშრომელი გახდა, იუწყება საინფორმაციო სააგენტო РИА Новости.

​გავრცელებული ინფორმაციით, რობოტი დოკუმენტების მიმღები და სახელმწიფო სერვისების გამწევი სპეციალისტის მოვალეობას ასრულებს კვირაში შვიდი დღისა და ორი ცვლის განმავლობაში.

როგორც პერმის მხარის ადმინისტრაციის პრეს-სამსახურში აცხადებენ, რობოტი სრულად ანტროპომორფული მანქანაა, რომელიც ადამიანის ემოციებს აკოპირებს: ამოძრავებს თვალებს, წარბებს, ტუჩებსა და სახის სხვა კუნთებს, ურთიერთობს და პასუხს აძლევს ცენტრის ვიზიტორებს.

თავდაპირველად რობოტი იქმნებოდა მუშახელის დეფიციტთან გასამკლავებლად, რაც იაპონიის მოსახლეობის სწრაფი დაბერებითაა გამოწვეული - Sputnik საქართველო
მეტი რობოტი – ნაკლები კონტაქტი: იაპონური რობოტი უგო კორონავირუსის წინააღმდეგ – ფოტო

ცნობილი ხდება, რომ ადგილობრივი კომპანია Promobot-ის მიერ შექმნილი რობოტი, თავისი კონსტრუქციის წყალობით, ადამიანის 600-ზე მეტ მიკრომიმიკას იმეორებს.

გარდა ამისა, რობოტი დაფარულია სპეციალურად შექმნილი მასალით, რომელიც კანის იმიტაციას ახდენს და მაქსიმალურად ამსგავსებს მას ადამიანს.

პარკში რობოტი-ძაღლი გამოჩნდა: ვრცელდება ვიდეო>>

ირკვევა ისიც, რომ ელექტრონული დამხმარე გოგონას გარეგნობა ნეიროქსელითაა შექმნილი. კერძოდ, ხელოვნურმა ინტელექტმა გააანალიზა რამდენიმე ათასი რუსი ქალბატონის ფოტოსურათი და განზოგადებული სახე შექმნა — ქერა გოგონა ყავისფერი თვალებით.

რობოტი დამოუკიდებლად იღებს ცენტრის ვიზიტორებს და მათ მთელ რიგ მომსახურებას უწევს: ასკანერებს სხვადასხვა სახის დოკუმენტებს, შემდეგ კი, გამომდინარე დოკუმენტის ტიპიდან, განცხადებას ადგენს. ვიზიტორი ხელს აწერს საბუთს, რის შემდეგაც რობოტი კიდევ ერთხელ ასკანერებს მზა დოკუმენტს და მრავალფუნქციური ცენტრის საინფორმაციო სისტემაში გზავნის.

 

ყველა ახალი ამბავი
0