Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

რუსეთში კორონავირუსით ინფიცირებულთა რაოდენობა 400 ათასს აღწევს

© photo: Sputnik / Ilya Pitalev / გადასვლა მედიაბანკშიკორონავირუსი რუსეთში
კორონავირუსი რუსეთში - Sputnik საქართველო
გამოწერა
ინფიცირებულთა საერთო რაოდენობა ქვეყნის მასშტაბით 396 575 ადამიანს აღწევს, აქედან 176 ათასზე მეტი გამოჯანმრთელდა, გარდაიცვალა 4555 პაციენტი

თბილისი, 30 მაისი – Sputnik. გასულ დღე-ღამეში რუსეთში კორონავირუსით ინფიცირების 8 952 ახალი შემთხვევა გამოვლინდა, იუწყება ახალ კორონავირუსულ ინფექციასთან ბრძოლის ოპერატიული შტაბი.

ლავროვმა დასავლეთი კორონავირუსის პანდემიის საკუთარი მიზნებით გამოყენების გამო გააკრიტიკა >>

ერთ დღე-ღამეში დაფიქსირდა 181 ლეტალური შემთხვევა, სრულად გამოჯანმრთელდა 8212 ადამიანი.

ეპიდემიის დაწყებიდან დაავადებულთა საერთო რიცხვი 396 575-მდე გაიზარდა. 4555 ლეტალური შემთხვევა დაფიქსირდა, გამოჯანმრთელდა 167 469 პაციენტი.

სამხედრო აღლუმი - Sputnik საქართველო
რუსეთში გამარჯვების აღლუმი ივნისში ჩატარდება: პრეზიდენტმა თარიღი დაასახელა

კორონავირუსის პანდემიამ პრაქტიკულად მთელი მსოფლიო მოიცვა. ჯანმოს ბოლო მონაცემებით, ინფიცირებულია თითქმის 5,7 მილიონი ადამიანი, აქედან 357 ათასი გარდაიცვალა.

ჯონს ჰოპკინსის უნივერსიტეტის სტატისტიკით, COVID-19  თითქმის ექვს მილიონ ადამიანს დაუდგინდა, 365 ათასი გარდაიცვალა, დაახლოებით 2,5 მილიონი პაციენტი გამოჯანმრთელდა. ლეტალური შემთხვევებით პირველ ადგილზეა კვლავ აშშ (100 ათასზე მეტი გარდაცვლილი), შემდეგ მოდის დიდი ბრიტანეთი, იტალია, საფრანგეთი, ბრაზილია და ესპანეთი.

პარასკევს პრეზიდენტმა ვლადიმირ პუტინმა განაცხადა, რომ ქვეყანამ კორონავირუსის პიკი გადაიარა. ბევრ რეგიონში ეპიდემიის გამო დაწესებულ შეზღუდვებს ხსნიან. თუმცა ხელისუფლება აფრთხილებს მოსახლეობას, რომ საჭიროა სოციალური დისტანციის დაცვა და საზოგადოებრივ ადგილებში პირბადისა და ხელთათმანების ტარება, რათა დაავადების მეორე ტალღა არ მოხდეს.

მოსკოვში თვითიზოლაციის და შვებულებების რეჟიმი 14 ივნისამდე გააგრძელეს, თუმცა მომდევნო კვირიდან დედაქალაქის მცხოვრებლებს განრიგით გასეირნების უფლებას მისცემენ, ამუშავდება არასასურსათო მაღაზიები და საყოფაცხოვრებო მომსახურების პუნქტები: სამრეცხაოები, ქიმწმენდები და სარემონტო სახელოსნოები.

ყველა ახალი ამბავი
0