18:50 08 ივლისი 2020
პირდაპირი ეთერი
  • EUR3.4463
  • 100 RUB4.2402
  • USD3.0552
რუსეთი
მოკლე ბმულის მიღება
111 0 0

შეტევისთვის 646 უნიკალური IP მისამართი გამოიყენეს. DDOS-შეტევაში მონაწილე სერვერების 64% ევროპის ქვეყნების ტერიტორიაზე მდებარეობს, 27% - ჩრდილოეთ ამერიკის, 3% - აზიის

თბილისი, 12 მაისი - Sputnik.  „უკვდავი ონლაინ პოლკის“ ორგანიზატორები პროცესუალური შემოწმების ორგანიზაციისათვის აპირებენ გადასცენ საგამოძიებო კომიტეტს პროექტის პროვოკატორების მონაცემები. როგორც აღმოჩნდა, პროექტის აშკარა წარმატების მიუხედავად, აღმოჩნდნენ ისეთებიც, ვინც მიზანმიმართულად ცდილობდა მსვლელობისთვის ხელის შეშლას.

მკაცრი ზომები: კორონავირუსზე დაუდასტურებელი ცნობები რუსეთში აკრძალულ ინფორმაციად ცნეს >>

დაფიქსირდა ომში დაღუპული საბჭოთა სამხედრო მოსამსახურეთა ხსოვნის და ვეტერანების შეურაცხყოფის მცდელობები, რომელთა ფოტოებიც მადლიერმა შთამომავლებმა პროექტში განათავსეს.

იმის შესახებ, თუ როგორ მიმდინარეობდა მოდერაცია და რა სახის კონტენტს გადააწყდნენ ორგანიზატორები, ისაუბრა რუსეთის საზოგადოებრივი მოძრაობა „გამარჯვების ვოლონტიორების“ ცენტრალური შტაბის თავმჯდომარე ოლგა ამელჩენკოვამ.

„მოდერაციის პროცესში ვოლონტიორებმა დააფიქსირეს საბჭოთა ხალხის გმირობის შეურაცხყოფის შემაძრწუნებელი შემთხვევები. - ასე მაგალითად, მეორე მსოფლიო ომის ვეტერანების ფოტოების ნაცვლად ზოგიერთი მომხმარებელი აგზავნიდა მულტიპლიკაციური პერსონაჟების და, რაც ყველაზე საშინელია, ნაცისტური გერმანიის იდეოლოგების, ბელადების და ოფიცრების გამოსახულებებს. მოხალისეებისა და პროფესიონალი ისტორიკოსების მიერ მსგავსი განაცხადები დაიბლოკა“.

რადგან ანკეტის განთავსებისას მომხმარებლები ავტორიზდებიან თავისი აკაუნტების მეშვეობით სოციალურ ქსელებში, კიბერუსაფრთხოების სპეციალისტებმა გამოავლინეს და დაბლოკეს ის მომხმარებლები, რომლებიც დესტრუქციული კონტენტის განთავსებას ცდილობდნენ.

როგორც კიბერუსაფრთხოების სამსახურმა დაადგინა, 500 IP-მისამართიდან შეტევები ნაცისტების და სამხედრო დამნაშავეების ფოტოების განთავსების სახით რამდენიმე საათს გაგრძელდა, რაც მათ განზრახ ხასიათზე მეტყველებს.

პროექტის ორგანიზატორები აღშფოთებული არიან იმ ადამიანების ქმედებებით, რომლებმაც ხელი აღმართეს წმიდათაწმიდაზე, როდესაც მეორე მსოფლიო ომის ვეტერანების გვერდით განათავსეს ნაცისტური არმიის იდეოლოგები და ბელადები.

„ჩვენ დაუსჯელად არ დავტოვებთ დიდი გამარჯვების 75 წლისთავის ზეიმისთვის ჩრდილის მიყენების ამ მცდელობებს, და ჩვენ მიერ შეგროვებულ ყველა მასალას გადავცემთ საგამოძიებო კომიტეტს, რათა მოხდეს საპროცესო შემოწმება", - განაცხადა არტიომ ხუტორსკიმ, რუსეთის საზოგადოებრივი მოძრაობა „რუსეთის უკვდავი პოლკის“ აღმასკომის ხელმძღვანელმა. მოძრაობის ოფიციალური საინფორმაციო პარტნიორია საერთაშორისო სააგენტო Sputnik-ი.

ონლაინ-მსვლელობის პლატფორმამ გაუძლო რამდენიმე ჰაკერულ შეტევას. ბოროტმოქმედების მხრიდან განსაკუთრებულ მკრეხელობა იყო „უკვდავი ონლაინ-პოლკის“ გვერდის მწყობრიდან გამოყვანა წმინდა დღეს - 9 მაისს, აღნიშნავენ მსვლელობის ორგანიზატორები.

ვებგვერდზე განხორციელდა 9 მილიონზე მეტი მოთხოვნა, შეტევის სიმძლავრე იყო 18 500 მოთხოვნა წამში. ამ ქმედებების შედეგად გამოილია ვირტუალური სერვერის პროცესორის სიმძლავრეები - ვებგვერდს ჰოსხტინგის მხრიდან გათიშვის საფრთხე დაემუქრა. მომხმარებლებისთვის ვებგვერდზე შესვლა მნიშვნელოვნად შეიზღუდა.

თუმცა, უსაფრთხოების სამსახურმა ხარვეზის აღმოფხვრა მოახერხა და ასევე გაარკვია, ვინ შეეცადა ონლაინ-მსვლელობისთვის ხელის შეშლას. შეტევისთვის 646 უნიკალური IP მისამართი გამოიყენეს. DDOS-შეტევაში მონაწილე სერვერების 64% ევროპის ქვეყნების ტერიტორიაზე მდებარეობს, 27% - ჩრდილოეთ ამერიკის, 3% - აზიის

როგორც აღნიშნულია, უსაფრთხოების სამსახურის მუშაობა და ანკეტების მოდერაცია გრძელდება - ყველა ვოლონტიორმა გაიარა წინასწარი ტრენინგი მასალების მიხედვით, რომლებიც მოამზადა რუსეთის სახელმწიფო ჰუმანიტარული უნივერსიტეტის ისტორიულ-საარქივო ინსტიტუტის საარქივო საქმის ფაკულტეტის დეკანის, ელენა მალიშევამ.

„უპირველეს ყოვლისა, გამარჯვების ვოლონტიორებისთვის სასწავლო პროგრამისთვის ისტორიული კონტენტის შექმნაში მონაწილეობა ისტორიკოსებმა მიიღეს. საგანმანათლებლო ბლოკში ყურადღება ეთმობოდა ვიზუალურ ასპექტებს - პერსონალიზაციას, ფორმას, ჯილდოებს, განმასხვავებელ ნიშნებს, ასევე შინაარსობრივ მხარეს. ამგვარად, გამარჯვების ვოლონტიორები, შესაბამისი ისტორიული მომზადების შემდეგ, იყვნენ არა მოდერაციის ტექნიკური შემსრულებლები, არამედ ისტორიული ხსოვნის ნადვილი მცველები“, - აღნიშნა მალიშევამ.

აღსანიშნავია, რომ „რუსეთის უკვდავი პოლკის“ აქცია აღმოჩნდა ძალიან მოთხოვნადი - ონლაინ-მსვლელობაში მონაწილეობაზე 3 მილიონამდე განაცხადი შევიდა.

თავად მსვლელობა გრძელდება და გაგრძელდება ბოლო ატვირთულ ანკეტამდე „რუსეთის უკვდავი პოლკის“ polkrf.ru, „საერთაშორისო უკვდავი პოლკის“ polk.press ვებგვერდებზე და ონლაინ–კინოთეატრში Окко, ასევე სოციალურ ქსელებში Одноклассники და ВКонтакте, „რუსეთის უკვდავი პოლკის“ გვერდებზე. მსვლელობა უკვე ნახა 12,5 მილიონზე მეტმა ადამიანმა.

მთავარი თემები