20:06 01 ივნისი 2020
პირდაპირი ეთერი
  • EUR3.5366
  • 100 RUB4.5026
  • USD3.1761
რუსეთი
მოკლე ბმულის მიღება
რუსეთი დღეს (488)
103 0 0

აშშ-ის სენატმა სამშაბათს ხმა მისცა ქვეყნის თავდაცვით ბიუჯეტს 738 მლრდ დოლარის მოცულობით, რომელშიც გათვალისწინებულია სახსრები „რუსეთის საწინააღმდეგო ქმედებებისთვის“ სხვადასხვა სფეროში.

თბილისი, 18 დეკემბერი — Sputnik. გაზსადენ „ჩრდილოეთის ნაკადი 2“-ის პროექტი, აშშ-ის სანქციების მიუხედავად, მაინც დასრულდება, განაცხადა რუსეთის პრეზიდენტის პრეს-მდივანმა დმიტრი პესკოვმა, იუწყება საინფორმაციო სააგენტო РИА Новости.  

ასე უპასუხა პესკოვმა შეკითხვას, შეაჩერებს თუ არა აშშ-ის სანქციები „ჩრდილოეთის ნაკადი 2“-ის პროექტის რეალიზაციას. 

„ჩვენ გამოვდივართ იქიდან, რომ ეს პროექტი დასრულდება“, — თქვა მან. 

აშშ-ის სენატმა სამშაბათს ხმა მისცა ქვეყნის თავდაცვით ბიუჯეტს 738 მლრდ დოლარის მოცულობით, რომელშიც გათვალისწინებულია სახსრები „რუსეთის საწინააღმდეგო ქმედებებისთვის“ სხვადასხვა სფეროში, „ჩრდილოეთის ნაკადი 2“-ის საწინააღმდეგო სანქციები და უკრაინისთვის სამხედრო დახმარება. ახლა დოკუმენტი პრეზიდენტ დონალდ ტრამპს უნდა გადაეცეს ხელმოსაწერად, რომელმაც უკვე განაცხადა, რომ მზადაა, დაუყოვნებლად მოაწეროს მას ხელი. 

პროექტი „ჩრდილოეთის ნაკადი 2“ გაზსადენის ორი ტოტის მშენებლობას ითვალისწინებს, რომელთა საერთო სიმძლავრე წელიწადში 55 მლრდ კუბური მეტრი გაზი იქნება რუსეთის სანაპიროებიდან გერმანიამდე — ბალტიის ზღვის გავლით. მისი დასრულება 2019 წელს იგეგმება. პროექტის წინააღმდეგ აქტიურად გამოდის უკრაინა, რომელსაც რუსული გაზის ტრანზიტიდან მიღებული შემოსავლების დაკარგვისა ეშინია. ასევე წინააღმდეგები არიან პოლონეთი, ლატვია, ლიეტუვა და აშშ. ისინი პროექტს პოლიტიკურად აფასებენ და მიაჩნიათ, რომ „ჩრდილოეთის ნაკადი 2“ საფრთხეს უქმნის ევროპის ენერგოუსაფრთხოებას. რუსეთმა არაერთხელ განაცხადა, რომ პროექტი აბსოლუტურად კომერციული და კონკურენტულია, და მიუთითებდა, რომ ის არ ითვალისწინებს რუსული გაზის ევროკავშირში უკრაინის გავლით ტრანზიტის შეწყვეტას.

თემები:
რუსეთი დღეს (488)

მთავარი თემები