07:28 17 სექტემბერი 2019
პირდაპირი ეთერი
  • EUR3.2699
  • 100 RUB4.6206
  • USD2.9608
სერგეი ლავროვი

„ჩინეთი უფროსი ძმა არ არის“ – სერგეი ლავროვი განმარტავს

© photo: Sputnik / Vladimir Astapkovich
რუსეთი
მოკლე ბმულის მიღება
რუსეთი დღეს (160)
12801

რუსეთის საგარეო საქმეთა მინისტრის თქმით, მოსკოვი სხვა სახელმწიფოებთან ორმხრივად სასარგებლო ურთიერთობების მომხრეა, ყოველგვარი დიქტატის გარეშე.

თბილისი, 5 სექტემბერი — Sputnik. ჩინეთის „უფროს ძმად“ მოხსენიება მართებული არ არის, განაცხადა რუსეთის საგარეო საქმეთა მინისტრმა სერგეი ლავროვმა, იუწყება საინფორმაციო სააგენტო РИА Новости. 

მისი თქმით, მოსკოვი სხვა სახელმწიფოებთან ორმხრივად სასარგებლო ურთიერთობების მომხრეა, ყოველგვარი დიქტატის გარეშე. სწორედ ასეთ კონტექსტში იგება ურთიერთობები პეკინთან, რამაც, ლავროვის განმარტებით, „უპრეცედენტოდ სტრატეგიული სახე“ მიიღო.

„ეს მრავალმხრივ პარტნიორობასა და სტრატეგიულ ურთიერთქმედებაზე დაფუძნებული ურთიერთობებია. მათი ორმხრივად სარგებლიანობა არა მარტო უამრავი შეთანხმებითა თუ სხვა დოკუმენტებითაა გამყარებული, არამედ თანმიმდევრულად რეალიზდება პრაქტიკაშიც“, — ხაზგასმით აღნიშნა მინისტრმა.

სერგეი ლავროვის თქმით, სწორედ ასეთ პრინციპებს ეფუძნება პეკინის საგარეო პოლიტიკური სტრატეგიაც.

სააგენტო განმარტავს, რომ რუსეთ-ჩინეთის ურთიერთობები მხარეების მიერ ოფიციალურად განისაზღვრება როგორც ყოვლისმომცველი, თანასწორუფლებიანი, ნდობაზე დამყარებული პარტნიორობა და სტრატეგიული ურთიერთქმედება, და ორ ქვეყანას შორის ინტენსიურად მიმდინარეობს პოლიტიკური დიალოგი.

 

თემები:
რუსეთი დღეს (160)

მთავარი თემები