20:14 21 ოქტომბერი 2019
პირდაპირი ეთერი
  • EUR3.3088
  • 100 RUB4.6461
  • USD2.9718
კოსმოსური სადგური

მეცნიერები კოსმოსში პირველი ადამიანის დაბადებაზე ალაპარაკდნენ

CC0 / Pixabay
რუსეთი
მოკლე ბმულის მიღება
რუსეთი დღეს (183)
14110

მეცნიერის თქმით, მთავარია არა პატრიოტული პოპულიზმი, არამედ ადამიანზე ზრუნვა. ანუ მნიშვნელოვანია ის ფაქტი, რომ კოსმოსში დაბადებული ადამიანი ჯანმრთელი იყოს.

თბილისი, 19 ივნისი – Sputnik. რუსი მეცნიერები მზად არიან, პირველებმა ჩაატარონ კოსმოსში ბავშვის დაბადების ექსპერიმენტი, განაცხადა რუსეთის მეცნიერებათა აკადემიის სამედიცინო-ბიოლოგიურ პრობლემათა ინსტიტუტის ლაბორატორიის ხელმძღვანელმა ირინა ოგნევამ.

„ჩვენ გვახსოვს, რომ კოსმოსში პირველები ვიყავით. ამიტომ გვსურს, რომ პირველი ადამიანი, რომელიც კოსმოსში დაიბადება, რუსეთის მოქალაქე იყოს“, – აღნიშნა ოგნევამ.

თუმცა, მისი თქმით, მთავარია არა პატრიოტული პოპულიზმი, არამედ ადამიანზე ზრუნვა. ანუ მნიშვნელოვანია ის ფაქტი, რომ კოსმოსში დაბადებული ადამიანი ჯანმრთელი იყოს. 

ირინა ოგნევა დარწმუნებულია, რომ რუსი მეცნიერები ამ მხრივ კონკურენტუნარიანები არიან, ვინაიდან „სწორედ მათ ეკუთვნით არაერთი პრიორიტეტი ბევრ კვლევაში“.

ამასთან, მეცნიერი აღნიშნავს, რომ კოსმოსში მსგავსი ექსპერიმენტის ჩატარება ჯერჯერობით არავის დაუსახავს მიზნად, მათ შორის, გამომდინარე ეთიკური პრინციპებიდანაც.

„მეცნიერული თვალსაზრისით კოსმოსში ნებისმიერი ძუძუმწოვრის დაბადება ისეთი ამოცანაა, რომლის გადაჭრაც შეიძლება. მორალურ-ეთიკური თვალსაზრისით კი ეს არის ექსპერიმენტი ადამიანის ემბრიონზე“, – აცხადებს რუსი სწავლული.

აღსანიშნავია, რომ ირინა ოგნევამ ვერ დააკონკრეტა, რა დრო დასჭირდება კოსმოსში ადამიანის გამრავლების ექსპერიმენტის მომზადებას.

თემები:
რუსეთი დღეს (183)

მთავარი თემები