03:11 16 იანვარი 2021
პირდაპირი ეთერი
  • EUR4.0033
  • 100 RUB4.4956
  • USD3.2987
მიმოხილვები
მოკლე ბმულის მიღება
რუსეთი დღეს (705)
24 0 0

რუსეთმა მეხუთე თაობის გამანადგურებელ Су-57-ის სერიული წარმოების ტექნოლოგია აითვისა და ახლა მეექვსე თაობის ზესაიდუმლო, სუპერსწრაფი და მძლავრი МиГ-41-ის შექმნაზე მუშაობს, რომელსაც ახლო კოსმოსში გასვლის უნარი აქვს.

2020 წლის ზაფხულში გამანადგურებელ Су-57 -ის სერიული წარმოების დაწყება საშუალებას იძლევა, რუსეთის თავდაცვითი-საწარმო კომპლექსის ყველა მიზნობრივი საშუალება და სამეცნიერო-ტექნიკური რესურსი მეექვსე თაობის პროექტის, МиГ-41-ის რეალიზაციის დაჩქარებისკენ მიიმართოს, რომელსაც საფუძვლად უნიკალური გამანადგურებელ-ჩამჭერის, МиГ-31-ის კონცეფცია უდევს.

წინამორბედ МиГ-31-ის კრეისერული სისწრაფე რეკორდული 2,3 მახია (მაქსიმალური _ 2,8 მახი). მეოთხე თაობის მძიმე გამანადგურებელ-ჩამჭერი МиГ-31 მსოფლიოს ერთ-ერთ ყველაზე მძლავრ საჰაერო მებრძოლად მიიჩნევა, მიუხედავად მეხუთე თაობის საბრძოლო მანქანების გამოჩენისა. გამანადგურებელს 9 ტონა არსენალის ზიდვა შეუძლია საათში 3000 კმ სიჩქარით და იარაღს 25 ათას მ სიმაღლემდე იყენებს. ჰიპერბგერითი რაკეტებით აღჭურვილი МиГ-31БМ რამდენიმე წუთში ფრინდება აეროდრომიდან და შეტევის ზღვარზე დგება. მისი სამიზნეებია: მოწინაარმდეგის საკომანდო პუნქტები, ავიამზიდები, სხვა მნიშვნელოვანი სამხედრო ობიექტები 3000 კმ-ს დაშორებით ( საწვავის მარაგის შევსების გარეშე). МиГ-31-სთვის შექმნილ რაკეტა Р-37-ს საავიაციო კომპლექსების საჰაერო საკომანდო პუნქტებისა და ტანკერების აღმოჩენა შეუძლია 400 კმ დაშორებით. ოთხ გამანადგურებელ МиГ-31-ს 1000 კმ ფრონტალური და 300 კმ სიღრმეზე საჰაერო სივრცის გაკონტროლება შეუძლია.

მეექვსე თაობის სიმძლავრე

შორი ჩაჭერის პერსპექტიული საავიაციო კომპლექსი МиГ-41 ჩამჭერ МиГ-31-ის ჩასანაცვლებლად იქმნება. დარწმუნებით შეიძლება ითქვას, რომ კორპორაცია МиГ-ი მეექვსე თაობის ჩამჭერ-გამანადგურებელს უახლოეს წლებში აიყვანს ჰაერში.

МиГ-41-ზე ჯერ კიდევ საცდელ-სამეცნიერო მუშაობისას, 2018 წლის აგვისტოში, კორპორაცია МиГ-ის გენერალურმა დირექტორმა ილია ტარასენკომ განაცხადა, რომ ტექნოლოგიურად სრულიად ახლებური თვითმფრინავი 4-5 მახის სიჩქარით იფრენს, ანუ საათში 6000 კმ-ზე მაღალი სიჩქარით. ამასთან კოსმოსშიც შეასრულებს დავალებებს.

МиГ-41-ის მოცულობა და შეიარაღების მახასიათებლები არ საჯაროვდება, მაგრამ შეიძლება ვივარაუდოთ, რომ უახლესი МиГ-41 წინამორბედი МиГ-31БМ-ისგან საავიაციო კომპლექს Кинжал-ს მიიღებს მემკვიდრეობით. მანამდე რუსეთის სასამხედრო-კოსმოსური ძალების ექს-ხელმძღვანელმა ვიქტორ ბონდარევმა განუცხადა ჟურნალისტებს, რომ МиГ-41 შორი მოქმედების რაკეტა Р-37-ებსა და ასევე „სრულიად ახალ რაკეტებსაც“ ზიდავს. გამანადგურებელ-ჩამჭერს მოწინავე საფრენი მახასიათებლები ექნება, ხოლო მისი შეიარაღება შესამჩნევ სიმტკიცეს შესძენს რუსეთის ტანკსაწინააღმდეგო თავდაცვას.

დღეს ახალი თაობის საავიაციო რაკეტები იქმნება, სწრაფად ვითარდება ლაზერული იარაღი. გაზეთ „იზვესტიას“ ინფორმაციით, მეექვსე თაობის გამანადგურებელი შორი მანძილის „მრავალფუნქციურ სარაკატო ჩამჭერ სისტემას ზიდავს, რომელსაც ჰიპერბგერითი რაკეტების განადგურების უნარი ექნება“.

სპეციალიზებული გამოცემა Military Watch-ი კიდევ უფრო შორს წავიდა პროგნოზებში: ჰიპერბგერითი МиГ-41 მოიცავს МиГ-25-სა და МиГ-31-ის უნარებს, მნიშვნელოვნად გააუმჯობესებს მათ მომდევნო თაობის ტექნოლოგიების ხარჯზე და შეძლებს საფრთხე შექუმნას მოწინააღმდეგის კოსმოსურ აპარატებს.

გამოცემა The National Interest-მა МиГ-41-ს პუბლიკაციების მთელი სერია მიუძღვნა, რომელთაგან ერთ-ერთში აღნიშნულია, რომ მეექვსე თაობის რუსულ იდუმალ სტელს-გამანადგურებელს „თამაშის წესების შეცვლა“ შეუძლია. ძნელია, არ დაეთანხმო.

კონსტრუქციის თავისებურებანი

МиГ-41მფრინავი ფრთის პრინციპით იქმნება. ეს მას მაღალ მანევრირებულობას, მცირე შესამჩნევადობასა და კრეისერულ ზებგერით სიჩქარე სძენს – საათში 4500 კმ-ზე მეტს. აუცილებელია აღინიშნოს, რომ მეოთხე თაობის МиГ-31 ხანგრძლივ დინამიკურ და ტემპერატურულ დატვირთვას უძლებს მტკიცე კორპუსის ხარჯზე, რომელიც 50%-თ ფოლადისგან შედგება, 33%-ით – ალუმინის შენადნობებისგან, ხოლო 16%-ით - ტიტანისგან. დარწმუნებით შეიძლება ითქვას, რომ МиГ-41 კოსმოსური ტექნოლოგიებისა და კომპოზიტური მასალების შერწყმა გახდება, რომლებიც რადარებისთვის შეუმჩნეველი, დატვირთვისა და ტემპერატურის მიმართ გამძლე იქნება.

კონსტრუქტორებს ურთულესი ტექნოლოგიური ამოცანების გადაჭრა მოუწევთ. კერძოდ, გამანადგურებელ-ჩამჭერის ხელოვნური ინტელექტით აღჭურვა.

ბევრი ქვეყნის სპეციალისტი მოუთმენლად ელოდება მსოფლიოს ყველაზე სწრაფი МиГ-41-ის აფრენას. გენერალ-პოლკოვნიკ ვიქტორ ბონდარევის თქმით, ჯარებში ახალი მანქანა 2025 წელზე ადრე ვერ შევა. მრავალფუნქციური გამანადგურებელ МиГ-41-ის რეალიზაცია უბრალოდ МиГ-31-ის შეცვლა კი არ არის, არამედ ტექნოლოგიური რევოლუციაა, მეექვსე თაობის გამანადგურებელი ავიაციის ფორმირებაა. და ამაში რუსეთი ყველაზე წინაა.

რედაქცია შესაძლოა არ ეთანხმებოდეს ავტორის მოსაზრებებს!

თემები:
რუსეთი დღეს (705)

მთავარი თემები