რას წერენ გაზეთები: გამოცხადდება თუ არა საყოველთაო კარანტინი საქართველოში

© Sputnik / Alex Shlamovსაქართველოში კორონავირუსს ებრძვიან
საქართველოში კორონავირუსს ებრძვიან - Sputnik საქართველო
გამოწერა
გამოცხადდება თუ არა საქართველოში საყოველთაო კარანტინი კორონავირუსის გამო – ამ კვირის ერთ-ერთი უმთავრესი თემაა ქართულ პრესაში.

სოციალურ ქსელებში ვრცელდება ფოტოები, სადაც ქვეყანაში გამოცხადებული საგანგებო მდგომარეობის მიუხედავად ჩანს, რომ ძალიან ბევრი ადამიანი ლისის ტბის, კუს ტბის და თბილისის ზღვის ტერიტორიებზე სეირნობს, იუწყება გაზეთი „რეზონანსი“.

პოლიტიკოსების ნაწილი ვირუსის მასობრივი გავრცელების პრევენციას მთელი საქართველოს მასშტაბით კარანტინის გამოცხადებაში ხედავს. კერძოდ, ამას აცხადებს „ლელოს“ დამფუძნებელი მამუკა ხაზარაძე.

ტესტი - Sputnik საქართველო
საქართველოში კორონავირუსით ინფიცირებულთა რაოდენობა 75–მდე გაიზარდა

ექსპერტი ჯანდაცვის საკითხებში სერგი ჩიხრაძე მიიჩნევს, რომ ჯერჯერობით მსგავსი უკიდურესი ზომების მიღების საჭიროება არ დგას. მისი თქმით, ამ ეტაპზე საუკეთესო გამოსავალია – სწრაფი დიაგნოსტიკა და სიტუაციის სწორი მენეჯმენტი.

ის აღნიშნავს, რომ მთელი საქართველოს ჩაკეტვა კარანტინზე ფიზიკურად შეუძლებელია, ქვეყანას ამის რესურსი და შესრულების მექანიზმი არ გააჩნია.

„პირველ რიგში ჩვენ დაგვეხმარება პაციენტთა ნაკადის მართვა, მედიკამენტების საკმარისი რაოდენობა და მობილიზაცია, ასევე დროული დიაგნოსტიკა და გამოვლენა. კარანტინი მთელ ქვეყანაში ვერაფრით ვერ დაგვეხმარება. ჩვენი ეკონომიკა ისედაც დანგრეულია და ქვეყანა ასეთ ზეწოლას ვერ გაუძლებს“, – განაცხადა ექსპერტმა.

„რეზონანსი“ კიდევ ერთ ტენდენციას აღნიშნავს: ამ დღეებში ქალაქები თანდათან ცარიელდება, სოფლები კი ხალხით გაივსო.

ხალხი მომრავლდა იმ სოფლებშიც კი, სადაც ბოლო წლებში ძალიან იშვიათად ჩადიოდნენ და გაქრობის პირას იყო მისული.

დაცარიელებული თბილისი - Sputnik საქართველო
საქართველო კორონავირუსთან დაკავშირებით ანტიკრიზისული პროგრამისთვის თანხებს ეძებს

მაგალითად, სვანეთში გაემგზავრა ნინო გულბანი: „სამი შვილი მყავს და როგორც კი სკოლები დაითხოვეს, წავიყვანე სვანეთში, მიუხედავად იმისა, რომ ზაფხულშიც კი არ ჩავდივარ. ახლა ეს გადაწყვეტილება ყველაზე სწორი მგონია. ეს ყველაზე იზოლირებული და უსაფრთხო ტერიტორიაა. ვფიქრობ, ასე ყველაზე კარგად დავიცავ ჩემს შვილებს“.

ქალმა დედაქალაქში შეიძინა არამალფუჭებადი პროდუქტები, როგორც ჩანს, ასე მოიქცა ბევრი „გაქცეული“ და ეს ერთ-ერთი მიზეზია ერთი კვირის წინ თბილისის ჰიპერმარკეტებში უზარმაზარი რიგებისა.

ზოგიერთ სოფლებში პანიკამ მოიცვა ადგილობრივი მცხოვრებნი, რომლებსაც ეშინიათ, რომ სტუმრები დედაქალაქიდან კორონავირუსს ჩაუტანენ.

„ერთი კვირის წინ ქუჩები მანქანებით იყო სავსე – თბილისიდან სოფლებში ადამიანების უწყვეტი ნაკადი მოდიოდა. ისეთი დიდი ნაკადი, რომ რთულია გააკონტროლო, ვინ სად იყო და ვის ეკონტაქტა, არ ვიცით და ამიტომ ძალიან გვეშინია“, – აცხადებს ხობის მკვიდრი ნანა სამსონია.

საქართველომ კორონავირუსის გავრცელების პიკს შეიძლება თავი აარიდოს >>

დემოგრაფები შექმნილ სიტუაციას დროებითს უწოდებენ – როგორც კი ვირუსის საფრთხე ჩაივლის, რეგიონები კვლავ დაცარიელდება: ბევრ ქალაქელს სოფელი მაშინ ახსენდება, როდესაც სხვა გამოსავალი არ აქვს, და პირველივე შესაძლებლობისთანავე ქალაქში დაბრუნდებიან.

გაზეთ „რეზონანსის“ მასალების მიხედვით

ყველა ახალი ამბავი
0