2018 წლის დედაქალაქის ბიუჯეტის პროექტი თბილისის მერიამ საკრებულოს გადაუგზავნა
„2018 წელს მუშაობა დაიწყება თბილისი სატრანსპორტო განვითარების გეგმაზე. საზოგადოებრივი ტრანსპორტის განვითარების ნაწილში დაგეგმილია მეტროსადგურების რეაბილიტაცია და ავტობუსების, სამარშრუტო ქსელის დახვეწა“ — განაცხადა ბექა დავითულიანმა.
ფრაქცია „ქართული ოცნება-დემოკრატიული საქართველოს“ თავმჯდომარის თქმით, წინასაარჩევნო დაპირებისამებრ, ბიუჯეტის პროექტში, წარმოდგენილია, ორი ახალი მუნიციპალური პროგრამა ჯანდაცვის მიმართულებით, ეს არის — ღვიძლის ტრანსპლანტაციის და ფარისებრი ჯირკვლის კიბოს სკრინინგის პროგრამები.
2018 წლის დედაქალაქის ბიუჯეტის პროექტი თბილისის მერიამ საკრებულოში განსახილველად უკვე გადააგზავნა.
