14:19 27 მაისი 2019
პირდაპირი ეთერი
  • EUR3.1102
  • 100 RUB4.3044
  • USD2.7802
Sputnik Taoba - მეორე მოდული

Sputnik–ის ჟურნალისტებმა მოსწავლეებს ფოტო და ვიდეოკონტენტის შექმნა ასწავლეს

© Sputnik / Vladimir Umikashvili.
პრეს-ცენტრი
მოკლე ბმულის მიღება
2401

მეორე შეხვედრა Sputnik Taoba–ს ფარგლებში მულტიმედიურ ჟურნალისტიკასა და ფოტო და ვიდეოკონტენტის შექმნას მიეძღვნა.

თბილისი, 10 მაისი –  Sputnik. საინფორმაციო სააგენტო და რადიო „Sputnik–საქართველოს“ ჟურნალისტებმა თბილისელ სკოლის მოსწავლეებს ფოტო და ვიდეოკონტენტის წარმოების თანამედროვე ტენდენციების შესახებ უამბეს. შეხვედრა მასტერ–კლასის Sputnik Taoba ფარგლებში „Sputnik–საქართველოს“ მულტიმედიურ პრეს–ცენტრში გაიმართა.

პროექტი Sputnik Taoba ითვალისწინებს გაცნობით ექსკურსიას სააგენტოში და მულტიმედიურ პრესცენტრში სკოლის მოსწავლეების, სტუდენტებისა და ახალგაზრდა ჟურნალისტებისთვის მულტიმედიურ მასტერკლასებს.

მასტერ–კლასი ჩაატარეს „Sputnik–საქართველოს“ ჟურნალისტმა ანა ამასტასიადიმ და ოპერატორმა ალექსანდრე შლამოვმა. მეორე შეხვედრა საინფორმაციო ვებ–გვერდებისთვის აუდიოვიზუალური პროდუქტის წარმოების პროცესს მიეძღვნა. ჟურნალისტებმა ფოტო და ვიდეოკონტენტის შექმნის მთავარ სტანდარტებსა და წესებზე ისაუბრეს.

Второй модуль Sputnik Taoba
© Sputnik / Vladimir Umikashvili.
Sputnik Taoba - მეორე მოდული

სკოლის მოსწავლეებმა აღნიშნეს, რომ პროცესში მრავალი საინტერესო რამ შეიტყვეს და ეს ცოდნა მათ მომავალში გამოადგებათ, თუ ჟურნალისტის პროფესიას აირჩევენ.

„ამ პროექტის შესახებ ცოტა ხნის წინ გავიგე, უკვე მას შემდეგ, რაც პირველი მასტერ–კლასი ჩატარდა. ძალიან დამაინტერესა და მოსვლა გადავწყვიტე. ბევრი რამ იყო საინტერესო. ბავშვობიდან ვოცნებობ ჟურნალისტობაზე“, – აღნიშნა N98 სკოლის მეცხრე კლასის მოსწავლემ ვიქტორია არაქელიანმა.

Второй модуль Sputnik Taoba
© Sputnik / Vladimir Umikashvili.
Sputnik Taoba - მეორე მოდული

მოსწავლეებმა წარმოადგინეს „საშინაო დავალება“, რომელიც წინა ლექციაზე მიიღეს და ჟურნალისტებთან ერთად „იმუშავეს შეცდომების გამოსწორებაზე“.

მოსწავლეები „Sputnik–საქართველოს“ მულტიმედიური რედაქციის თანამშრომლებთან ერთად 2019 წლის მაისში თვითონ გადაიღებენ ვებ–გვერდისთვის და თვის ბოლოს მონაწილეობას მიიღებენ მესამე, ბოლო მასტერ–კლასში Sputnik Taoba.

მთავარი თემები