საქართველოს პრეზიდენტის ადმინისტრაციაში საკადრო ცვლილებები მოხდა

© photo: press-service Parliament of Georgia თამარ ტყეშელაშვილი საქართველოს პრეზიდენტს ახალი საპარლამენტო მდივანი
თამარ ტყეშელაშვილი საქართველოს პრეზიდენტს ახალი საპარლამენტო მდივანი - Sputnik საქართველო, 1920, 01.04.2021
გამოწერა
ცნობილმა ადვოკატმა დიმიტრი გაბუნიამ პრეზიდენტის საპარლამენტო მდივნის თანამდებობიდან გადადგომის შესახებ განცხადება დაწერა. არ არის გამორიცხული, რომ ის საადვოკატო საქმიანობას დაუბრუნდეს

თბილისი, 1 აპრილი - Sputnik. საქართველოს პრეზიდენტმა სალომე ზურაბიშვილმა თავის ადმინისტრაციაში ცვლილება განახორციელა - საპარლამენტო მდივნის თანამდებობაზე თამარ ტყეშელაშვილი დაინიშნა, ამის შესახებ პრეზიდენტის ადმინისტრაცია იუწყება.

სალომე ზურაბიშვილი და შარლ მიშელი - Sputnik საქართველო, 1920, 31.03.2021
ზურაბიშვილი: მხარეებისთვის შეთავაზებული დოკუმენტი სამომავლო პროგრესისთვის კარგი საფუძველია

ტყეშელაშვილის წინამორბედი დიმიტრი გაბუნია საპარლამენტო მდივნის თანამდებობიდან პირადი განცხადების საფუძველზე გათავისუფლდა.

თამარ ტყეშელაშვილმა დაამთავრა ივანე ჯავახიშვილის სახელობის თბილისის სახელმწიფო უნივერსიტეტის (თსუ) იურიდიული ფაკულტეტი და არის ამავე უნივერსიტეტის დოქტორანტი. არის საქართველოს ადვოკატთა ასოციაციის წევრი.

2017-2018 წლებში თამარ ტყეშელაშვილი იყო კავკასიის სამართლის სკოლის (კავკასიის უნივერსიტეტი) მოწვეული ლექტორი. 2016-2019 წლებში იყო პრემიერ-მინისტრთან არსებული ინვესტორთა საბჭოს სამუშაო ჯგუფების წევრი.

2020 წლის სექტემბრიდან თამარ ტყეშელაშვილი იყო საქართველოს პრეზიდენტის მრჩეველი სამართლებრივ საკითხებში.

ფლობს ინგლისურ, რუსულ და უკრაინულ ენებს.

ყველა ახალი ამბავი
0