როგორ გეგმავს ხაზარაძე საქართველოში უმუშევრობის დამარცხებას

© photo: Sputnikმამუკა ხაზარაძე
მამუკა ხაზარაძე - Sputnik საქართველო
გამოწერა
დღეისათვის საქართველოში უმუშევრობის დონე 18,5%-ს შეადგენს, თუმცა, როგორც ხაზარაძე ამტკიცებს, ეს მაჩვენებელი რეალურად 27%-ს აღემატება.

თბილისი, 6 ოქტომბერი – Sputnik. საქართველოში უმუშევრობის დონემ პიკს მიაღწია, განაცხადა პარტიის „ლელო საქართველოსთვის“ თავმჯდომარემ მამუკა ხაზარაძემ.

მისი თქმით, ქვეყანაში სოციალური მდგომარეობა ჯერ კიდევ პანდემიამდე გამწვავდა, რამდენადაც ადამიანები სამსახურის გარეშე იყვნენ, პანდემიამ კი უფრო მეტად დაამძიმა ვითარება. 

ბუკინისტი რუსთაველის პროსპექტზე - Sputnik საქართველო
უმუშევრობა საქართველოში: რამდენით გაიზარდა მაჩვენებელი პანდემიის დაწყებიდან

„უმუშევრობამ „ქართული ოცნების“ ცხრაწლიანი მმართველობის პერიოდში რეკორდულ მაჩვენებელს მიაღწია. დღეს ასობით ათასი ადამიანი სამსახურის გარეშე დარჩა და ეს – არა პანდემიის გამო. პრობლემა პანდემიამდეც მწვავედ იდგა.  ასობით ათასი ჩვენი მოქალაქე უცხოეთში რთულ პირობებში მუშაობს იმისთვის, რომ აქ დატოვებული ოჯახები სიღარიბისა და შიმშილისგან იხსნან“, – განაცხადა ხაზარაძემ.

ოფიციალური სტატისტიკის თანახმად, დღეისათვის საქართველოში უმუშევრობის დონე 18,5%-ს შეადგენს, თუმცა, როგორც ხაზარაძე ამტკიცებს, ეს მაჩვენებელი რეალურად 27%-ს აღემატება.

„ლელოს“ დამფუძნებელს მიაჩნია, რომ „ქართული ოცნება“ პანდემიის პერიოდში არათანმიმდევრული მოქმედებებით ათასობით ადამიანს ყოველდღიურად სამსახურის გარეშე ტოვებს. მმართველი გუნდი უარს აცხადებს ალტერნატიულ წინადადებებზე, რომლებსაც შეუძლია მოსახლეობა სიღარიბისგან იხსნას, განაცხადა პოლიტიკოსმა. 

ატამი - Sputnik საქართველო
სეზონური დასაქმება სამშობლოში: მთავრობის ახალი შეთავაზება უმუშევრად დარჩენილთათვის

„500 ათასი ადამიანი, ეს კატასტროფული რიცხვია, და „ქართულ ოცნებას“ გეგმაც კი არ აქვს როგორ დაძლიოს ეს პრობლემა, აღარაფერს ვამბობ ამ პრობლემის აღმოსაფხვრელად ქმედითი ნაბიჯების გადადგმაზე. თუ ჩვენ ახლავე არ დავიწყებთ სწორი და რადიკალური რეფორმების გატარებას, სიტუაცია კიდევ უფრო დამძიმდება. სწორი რეფორმა ერთადერთი გამოსავალია ქვეყნის ამ რთული მდგომარეობიდან გამოსაყვანად და ამ ახალი რეფორმების ტალღა ოქტომბრიდან დაიწყება“, – აღნიშნა ხაზარაძემ.

მისი თქმით, „ლელოს“ გუნდმა მთავრობას არაერთხელ შესთავაზა გამოსავალი და უმუშევრობასთან ბრძოლისთვის სწორი ნაბიჯები.

„მარშალის გეგმის” (პარტიის წინასაარჩევნო პროგრამა) თანახმად, რომელიც „ლელომ“ და მისმა გუნდმა წარმოადგინა, ჩვენ შეგვიძლია ყოველ წელს შევქმნათ 50 ათასი ახალი სამუშაო ადგილი, რაც მომდევნო 4 წელიწადში 200 ათასით ნაკლებ უმუშევარს ნიშნავს. „ქართულმა ოცნებამ“ არ იცის, როგორ მართოს კრიზისი და გააჩინოს შესაძლებლობა. ეს იცის ჩვენმა გუნდმა. ჩვენ ვიცით, როგორ ვაკეთოთ საქმე“, – განაცხადა ხაზარაძემ.

ხაზარაძემ პარტია „ლელო საქართველოსთვის“ 2019 წლის ბოლოს დააფუძნა. ახალმა პარტიამ პირველი არჩევნებისთვის, საზოგადოებრივი აზრის სხვადასხვა გამოკითხის თანახმად, გამოცდილი პარტიების პოზიციები მნიშვნელოვნად შეავიწროვა და კვლევებში მეოთხე–მეხუთე ადგილს იკავებს. 

© Sputnik / Konstantin Ivanovუმუშევრობა და დასაქმება საქართველოში
როგორ გეგმავს ხაზარაძე საქართველოში უმუშევრობის დამარცხებას - Sputnik საქართველო
უმუშევრობა და დასაქმება საქართველოში
ყველა ახალი ამბავი
0