მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

გაეროს გენმდივანი სომხეთსა და აზერბაიჯანს ვითარების დეესკალაციისკენ მოუწოდებს

© AP Photo / Bebeto Matthewsგაეროს გენმდივანი სომხეთსა და აზერბაიჯანს ვითარების დეესკალაციისკენ მოუწოდებს
გაეროს გენმდივანი სომხეთსა და აზერბაიჯანს ვითარების დეესკალაციისკენ მოუწოდებს - Sputnik საქართველო
გამოწერა
მსოფლიოს რიგმა ქვეყნებმა და საერთაშორისო ორგანიზაციებმა შეშფოთება გამოთქვეს შექმნილი ვითარების გამო და მხარეებს დიალოგისკენ მოუწოდეს.

თბილისი, 23 ივლისი — Sputnik. გაეროს გენერალური მდივანი ანტონიუ გუტერეში სომხეთისა და აზერბაიჯანის ლიდერებს – ნიკოლ ფაშინიანსა და ილჰამ ალიევს დაუკავშირდა და საზღვარზე სიტუაციის დაუყოვნებლივი დეესკალაციისკენ მოუწოდა, განაცხადა გენმდივნის ოფიციალურმა წარმომადგენელმა სტეფან დიუჟარიკმა ოთხშაბათს გამართულ ბრიფინგზე, იუწყება РИА Новости.

„ბატონი გუტერეში დღეს, დილით აზერბაიჯანის პრეზიდენტ ალიევს და სომხეთის პრემიერ-მინისტრ ფაშინიანს დაუკავშირდა. სატელეფონო საუბრისას გენმდივანმა საზღვარზე საომარ მოქმედებებთან დაკავშირებით შეშფოთება გამოხატა“, – განაცხადა დიუჟარიკმა. 

ატომური სადგური სომხეთში - Sputnik საქართველო
ნუ გავიწყდებათ ჩვენი სარაკეტო სისტემები: ბაქო ერევანს ატომურ სადგურზე დარტყმით დაემუქრა

მისი თქმით, გენმდივანმა მხარეებს დაუყოვნებლივი და სრული დეესკალაციისკენ მოუწოდა და ასევე რეკომენდაცია მისცა, თავი შეიკავონ პროვოკაციული რიტორიკისგან და მოლაპარაკებებს დაუბრუნდნენ.

აზერბაიჯანი–სომხეთის საზღვართან ვითარება 12 ივლისს მკვეთრად გაუარესდა. მხარეების განცხადებით, სროლები გრძელდება აზერბაიჯანის მხარეს თოვუზის რაიონში, ხოლო სომხეთის მხარეს – ტავუშის ოლქში. ეს ტერიტორია საკმაოდ ახლოსაა საქართველოს საზღვართან და ასობით კილომეტრითაა დაშორებული არაღიარებული მთიანი ყარაბაღიდან, სადაც ამ დროისთვის მშვიდი ვითარებაა.

ბაქოს ინფორმაციით, დაიღუპა 12  აზერბაიჯანელი სამხედრო პირი, მათ შორის ერთი გენერალი. სომხეთის მხარემ ოთხი ოფიცრის დაღუპვისა და ათი ადამიანის დაჭრის შესახებ გააკეთა განცხადება. ორივე მხარე შეტაკების დაწყებასა და სროლებს ერთმანეთს აბრალებს.

მსოფლიოს რიგმა ქვეყნებმა და საერთაშორისო ორგანიზაციებმა შეშფოთება გამოთქვეს შექმნილი ვითარების გამო და მხარეებს დიალოგისკენ მოუწოდეს.

ყველა ახალი ამბავი
0