Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

ზურაბიშვილი პოლონეთის პრეზიდენტს საქართველოს დახმარებისთვის მადლობას უხდის

© photo: Salome Zourabichvili / FBსალომე ზურაბიშვილი
სალომე ზურაბიშვილი - Sputnik საქართველო
გამოწერა
ორი ქვეყნის პრეზიდენტებმა ხაზი გაუსვეს პანდემიის დროს სოლიდარობისა და ეკონომიკური კავშირების გაძლიერების მნიშვნელობას

თბილისი, 16 აპრილი — Sputnik. სალომე ზურაბიშვილი ტელეფონით ესაუბრა პოლონეთის პრეზიდენტ ანჯეი დუდას და მას მადლობა გადაუხადა კორონავირუსის პერიოდში საქართველოსთვის გაწეული დახმარებისთვის.

საქართველოს პრეზიდენტმა სომხეთისა და აზერბაიჯანის პრეზიდენტებთან მოლაპარაკებები გამართა >>

ზურაბიშვილმა ასევე მადლობა გადაუხადა პოლონელ კოლეგას საქართველოს მოქალაქეებისთვის გაწეული დახმარებისთვის და „სოლიდარობის ფონდ PL"-ის მიერ ჰუმანიტარული დახმარების აღმოჩენისთვის.

მხარეებმა აღნიშნეს, რომ მსოფლიოს ხალხებთან ერთად, ქართველი და პოლონელი ხალხი ურთულესი გამოწვევების წინაშე დგანან და სწორედ ამ დროს მხარდაჭერა და სოლიდარობა დიდ მნიშვნელობას იძენს. პანდემიის დროს, მნიშვნელოვანია გამოცდილების გაზიარება კორონავირუსთან ბრძოლაში, ხაზგასმით აღნიშნეს ორი ქვეყნის პრეზიდენტებმა.

მხარეებმა პანდემიის გამო მსოფლიოში შექმნილი სიტუაცია განიხილეს და ეკონომიკური კავშირებისა და სოლიდარობის გაძლიერების მნიშვნელობა აღნიშნეს.

სტამბული - Sputnik საქართველო
თურქეთის საგარეო საქმეთა მინისტრმა საქართველოს მხარდაჭერისთვის მადლობა გადაუხადა

პოლონეთში კორონავირუსით ინფიცირებულთა რაოდენობა 7 771 ადამიანს შეადგენს, გარდაიცვალა 292 ადამიანი.

რაც შეეხება საქართველოს, ახალი კორონავირუსით ინფიცირებულთა რიცხვი 340-მდე გაიზარდა, აქედან გამოჯანმრთელდა 74 ადამიანი, გარდაიცვალა – 3, კარანტინის რეჟიმში იმყოფება 5000, ხოლო სტაციონარებში დაკვირვების ქვეშ 494 პაციენტია. ასევე უცხოეთიდან სამკურნალოდ სამშობლოში გადმოყვანილია კორონავირუსით ინფიცირებული საქართველოს სამი მოქალაქე.

სალომე ზურაბიშვილი ასევე ესაუბრა ტელეფონით სომხეთის და აზერბაიჯანის პრეზიდენტებს.

ყველა ახალი ამბავი
0