საქართველოს საგარეო საქმეთა მინისტრი ვაშინგტონს ეწვევა

© photo: MFA of Georgia / FBდავით ზალკალიანი
დავით ზალკალიანი - Sputnik საქართველო
გამოწერა
დავით ზალკალიანი მონაწილეობას მიიღებს რელიგიის თავისუფლების კოალიციის წევრი ქვეყნების საგარეო საქმეთა მინისტრების შეხვედრაში.

თბილისი, 4 თებერვალი — Sputnik. საქართველოს საგარეო საქმეთა მინისტრი დავით ზალკალიანი სამუშაო ვიზიტით ვაშინგტონს ეწვევა 4-7 თებერვალს, იუწყება ტელეკომპანია Imedi.

საქართველოს, აშშ-ის, უკრაინისა და ევროკავშირის დროშები - Sputnik საქართველო
კრიტიკა პრობლემა არაა: საქართველოს რეაქცია აშშ-ის კონგრესმენების წერილზე

ვიზიტის ფარგლებში ზალკალიანი შეხვედრას გამართავს აშშ-ის სახელმწიფო მდივანთან მაიკ პომპეოსთან. მისი მიწვევით საქართველოს საგარეო უწყების პირველი პირი მონაწილეობას მიიღებს რელიგიის თავისუფლების კოალიციის წევრი ქვეყნების საგარეო საქმეთა მინისტრების შეხვედრაში.

შეხვედრებია დაგეგმილი ასევე აშშ-ის სახელმწიფო დეპარტამენტში, კონგრესში და ექსპერტთა ჯგუფის წარმომადგენლებთან.

დიპლომატიური ურთიერთობები საქართველოსა და აშშ-ს შორის 1992 წელს დამყარდა, ხოლო განსაკუთრებით გააქტიურდა 2000-იანი წლების დასაწყისში. 2009 წელს ქვეყნებმა ხელი მოაწერეს სტრატეგიული პარტნიორობის ქარტიას, რომელიც ითვალისწინებს პარტნიორული კავშირებისა და თანამშრომლობის გაფართოებას თავდაცვისა და უსაფრთხოების, ეკონომიკის, ენერგეტიკის, დემოკრატიული რეფორმების, დიპლომატიისა და კულტურის სფეროებში.

ყველა ახალი ამბავი
0