22:05 24 თებერვალი 2020
პირდაპირი ეთერი
  • EUR3.0571
  • 100 RUB4.3980
  • USD2.8299
პოლიტიკა
მოკლე ბმულის მიღება
საქართველოს საგარეო პოლიტიკა (187)
95 0 0

ახალგაზრდა მამაკაცის გარდაცვალების გარემოებების შესწავლის პროცესში რომში საქართველოს საელჩო და საკონსულო უკვე ჩაერთო.

თბილისი, 20 იანვარი — Sputnik. იტალიაში საქართველოს მოქალაქის  გარდაცვალების გამო საგარეო საქმეთა მინისტრის მოადგილე ხათუნა თოთლაძე  იტალიის საგანგებო და სრულუფლებიან ელჩს საქართველოში ენრიკო ვალვოს შეხვდა, ნათქვამია უწყების ვებგვერდზე.

14 იანვარს გრადისკა-დ'იზონცოს მიგრანტთა ბანაკში სხვადასხვა ეროვნების მიგრანტებმა იჩხუბეს, რის გამოც პოლიციელების ჩარევა გახდა საჭირო. სამართალდამცველებმა ჩხუბი ძალის გამოყენებით შეაჩერეს და კონფლიქტის აქტიური მონაწილეები დააკავეს. ციხეში 20 წლის ქართველი შეუძლოდ გახდა და ის ჰოსპიტალში გადაიყვანეს. 19 იანვრის ღამით მას გულის შეტევა დაემართა, ექიმებმა კი მისი გადარჩენა ვერ შეძლეს.

შეხვედრაზე მხარეებმა მწუხარება გამოთქვეს საქართველოს მოქალაქის გარდაცვალების გამო და გამოხატეს მზადყოფნა მჭიდროდ ითანამშრომლონ სადეპორტაციო ცენტრში მომხდარი ინციდენტისა და საქართველოს მოქალაქის გარდაცვალების გარემოებაზე ობიექტური სურათის დადგენის მიზნით. ქართულმა მხარემ ელჩს მოსთხოვა ინციდენტის შესახებ დეტალური ინფორმაციის მოწოდება. თავის მხრივ, იტალიის ელჩმა აღნიშნა, რომ მიმდინარეობს გამოძიება და იტალიური სამართალდამცავების მხრიდან ყველაფერი კეთდება მომხდარის ოპერატიული გამოძიების მიზნით. მხარეებმა აღნიშნეს, რომ  მნიშვნელოვანია გარდაცვლილი მოქალაქის ოჯახმა დროულად მიიღოს ინფორმაცია გარდაცვალების მიზეზების თაობაზე.

 მომხდართან დაკავშირებით ასევე დაგეგმილია საქართველოს ელჩის შეხვედრა იტალიის საგრეო საქმეთა სამინისტროს საკონსულო დეპარტამენტის დირექტორთან, ხოლო საელჩოს კონსული ადგილზე ჩავა და შეხვედრებს გამართავს  გორიციის პროკურატურის წარმომადგენლებთან. იტალიაში საქართველოს საკონსულო მუდმივ კავშირზე იმყოფება გარდაცვლილის ოჯახის წევრებთან.

თემები:
საქართველოს საგარეო პოლიტიკა (187)

მთავარი თემები