11:02 03 ივნისი 2020
პირდაპირი ეთერი
  • EUR3.4366
  • 100 RUB4.4862
  • USD3.0772
პოლიტიკა
მოკლე ბმულის მიღება
ახალი საპროტესტო ტალღა თბილისში: 2019 წლის ნოემბერი (171)
96 0 0

ოპოზიციური პარტიები საქართველოს მასშტაბით საპროტესტო აქციების გაგრძელებას საახალწლო დღესასწაულების შემდეგ გეგმავენ

თბილისი, 22 დეკემბერი - Sputnik. ბათუმში ოპოზიცია საპროტესტო აქციას მართავს - მთავარი მოთხოვნაა 2020 წელს საპარლამენტო არჩევნების პროპორციული სისტემით ჩატარება.

ოპოზიცია, რომელიც გაერთიანდა პროპორციულ საარჩევნო სისტემაზე 2020 წლიდან გადასვლის შესახებ კანონპროექტის ჩავარდნის შემდეგ, 14 ნოემბრიდან თითქმის ყოველდღე საპროტესტო აქციებს მართავს. მოქმედი კონსტიტუციით, 77 სადეპუტატო მანდატი პარტიებს შორის ნაწილდება, 73 კი იმ კონკრეტულ კანდიდატებს შორის, რომლებმაც თავის ერთმანდატიან მაჟორიტარულ ოლქებში საარჩევნო ხმების უმეტესობა მოიპოვეს.

აქციაში პრაქტიკულად ყველა ოპოზიციური პარტიის პოლიტიკური ლიდერები მონაწილეობენ. ძირითადი მოთხოვნაა - 2020 წელს საპარლამენტო არჩევნების პროპორციული სისტემით ჩატარება. ამ ლოზუნგით ოპოზიციონერები აქციების გამართვას საახალწლო დღესასწაულების შემდეგ გააგრძელებენ.

მმართველი პარტია დათმობაზე წავიდა - მისი ახალი წინადადებით პროპორციული სისტემით არჩეული მანდატების რაოდენობა 77-ის ნაცვლად 100-მდე გაიზრდებოდა, ხოლო მაჟორიტარულით - 50-მდე შემცირდებოდა. თუმცა, ამ პირობებს ოპოზიცია არ დასთანხმდა.

ახალი კომპრომისი: არჩევნებთან დაკავშირებით „ქართული ოცნება" დათმობაზე მიდის >>

იმის გათვალისწინებით, რომ საკონსტიტუციო ცვლილებების მისაღებად საკმარისი ხმები არ არის, ოპოზიციამ კომპრომისის სახით ხელისუფლებას „გერმანული მოდელი" შესთავაზა, რომლის თანახმად, შენარჩუნებული იქნება მაჟორიტარული არჩევნები, თუმცა ისინი უნდა გაიმართოს არა ერთმანდატიან, არამედ მრავალმანდატიან ოლქებში. ამასთან, პარტია პარლამენტში იმდენ ადგილს მიიღებს, რაც მას პროპორციული არჩევნებით ეკუთვნის. მმართველი პარტია „ქართული ოცნება" აცხადებს, რომ ეს ეწინააღმდეგება კონსტიტუციას, თუმცა დათანხმდა ამ მოდელის ერთ-ერთი კომპონენტის – მრავალმანდატიანი ოლქის შესაძლებლობის განხილვას.

თემები:
ახალი საპროტესტო ტალღა თბილისში: 2019 წლის ნოემბერი (171)

მთავარი თემები