12:47 08 დეკემბერი 2019
პირდაპირი ეთერი
  • EUR3.2690
  • 100 RUB4.6218
  • USD2.9466
აქცია პარლამენტთან

პარლამენტის შესასვლელებთან დემონსტრანტებმა კარვები დადგეს

© Sputnik / Shota Nozadze
პოლიტიკა
მოკლე ბმულის მიღება
ახალი საპროტესტო ტალღა თბილისში: 2019 წლის ნოემბერი (158)
123 0 0

საქართველოს პარლამენტთან მიმდინარე აქციაზე აცხადებენ, რომ დეპუტატებს სანონმდებლო ორგანოში არ შეუშვებენ

თბილისი, 17 ნოემბერი – Sputnik. საქართველოს პარლამენტთან მიმდინარე აქციაზე ოპოზიციური პარტიების წარმომადგენლებმა და დემონსტრანტებმა გადაწყვიტეს, რომ შენობაში შესასვლელებში კარვები დადგან, იუწყება „Sputnik–საქართველოს" კორესპონდენტი ადგილიდან.

მანამდე პარტია „ევროპული საქართველოს“ წევრებმა პარლამენტში ჩიტაძის ქუჩიდან შესასვლელ ჭიშკარს სიმბოლურად ბოქლომი დაადეს. გიგი უგულავას თქმით, ბოქლომის გასაღებს ხალხს გადასცემენ. მან სამართალდამცველებს სიმშვიდისკენ მოუწოდა და აღნიშნა, რომ შიგნით შესვლას არავინ აპირებს.

მოგვიანებით სამართალდაცველებმა ბოქლომი მოხსნეს.

საპარლამენტო უმრავლესობის ლიდერის, გიორგი ვოლსკის განცხადებით, პიკეტირება ეს არის ოპოიციონერების პოლიტიკის შინაარსის გამოხატულება, რომ მონაწილეობა მიაღებინონ ხალხს ისეთ ქმედებებში, რომელიც კანონსაც  უპირისპირდება და რაც მთავარია, სახელმწიფოს ინტერესებს უპირისპირდება.

საქართველოს პარლამენტთან კვირას 20-ზე მეტი ოპოზიციური პარტიის ლიდერებმა მოიყარა თავი, რათა ქვეყნის კონსტიტუციაში ცვლილების შეტანის ჩაგდება გააპროტესტონ, რაც საპარლამენტო არჩევნების პროპორციული სისტემით ჩატარებას ითვალისწინებდა.

აქციის მონაწილეების ძირითადი მოთხოვნა ვადამდელი საპარლამენტო არჩევნების პროპორციული სისტემით ჩატარება, მთავრობის გადადგომა და ცენტრალური საარჩევნო კომისიის მოქმედი შემადგენლობის შეცვლაა.


თემები:
ახალი საპროტესტო ტალღა თბილისში: 2019 წლის ნოემბერი (158)

მთავარი თემები