14:19 16 დეკემბერი 2019
პირდაპირი ეთერი
  • EUR3.2024
  • 100 RUB4.6032
  • USD2.8647
პოლიცია პარლამეტთა - არქივი

შსს-ს თანამშრომლები პარლამენტში უსაფრთხოების მიზნით იმყოფებიან -აცხადებს უწყება

© Sputnik / Vladimir Umikashvili.
პოლიტიკა
მოკლე ბმულის მიღება
ახალი საპროტესტო ტალღა თბილისში: 2019 წლის ნოემბერი (166)
51 0 0

პარლამენტის ტერიტორიაზე შინაგან საქმეთა სამინისტროს განსაკუთრებულ დავალებათა დეპარტამენტისა და საპატრულო პოლიციის თანამშრომლები იმყოფებიან.

თბილისი, 17 ნოემბერი — Sputnik. განსაკუთრებულ დავალებათა დეპარტამენტის თანამშრომლები პარლამენტში მოქალაქეების უსაფრთხოებისა და მართლწესრიგის დაცვის მიზნით იმყოფებიან, ამის შესახებ აქართველოს საზოგადოებრივი მაუწყებლის პირველ არხს შინაგან საქმეთა სამინისტროს პრესსამსახურში განუცხადეს. მათი თქმით, სამართალდამცველები მობილიზებული არიან თითოეული მოქალაქის უსაფრთხოებისა და მართლწესრიგის დაცვის მიზნით.

პარლამენტთან ოპოზიციური პარტიებისა და სამოქალაქო აქტივისტების აქცია 15:00 საათზეა დაგეგმილი.

აქციის მონაწილეების ძირითადი მოთხოვნა ვადამდელი საპარლამენტო არჩევნების პროპორციული სისტემით ჩატარება, მთავრობის გადადგომა და ცენტრალური საარჩევნო კომისიის მოქმედი შემადგენლობის შეცვლაა.

უფრო კონკრეტულად სამოქმედო გეგმის შესახებ ოპოზიცია დღევანდელ აქციაზე ისაუბრებს.

აქციები რუსთაველზე მას შემდეგ დაიწყო, რაც14 ნოემბერს, პროპორციულ საარჩევნო სისტემაზე გადასვლასთან დაკავშირებით საპარლამენტო უმრავლესობის მიერ მომზადებულმა საკონსტიტუციო ცვლილებებმა პარლამენტში პირველი მოსმენით კენჭისყრაზე ხმების საკმარისი რაოდენობა ვერ მიიღო.

თემები:
ახალი საპროტესტო ტალღა თბილისში: 2019 წლის ნოემბერი (166)

მთავარი თემები