03:13 09 დეკემბერი 2019
პირდაპირი ეთერი
  • EUR3.2690
  • 100 RUB4.6218
  • USD2.9466
ქართული ტელეარხების მიკროფონები

საჭიროა მეტი პროფესიონალიზმი: ჟურნალისტთა საერთაშორისო ფედერაცია გმობს სიძულვილის ენას

© Sputnik / Alexander Imedashvili
პოლიტიკა
მოკლე ბმულის მიღება
გინება პირდაპირ ეთერში - სკანდალი Rustavi 2-ის ირგვლივ (49)
125 0 0

ჟურნალისტთა საერთაშორისო ფედერაციის გენერალური მდივანი გმობს სიძულვილის გამოვლინებას ჟურნალისტების მხრიდან.

თბილისი, 8 ივლისის — Sputnik. ჟურნალისტთა საერთაშორისო ფედერაცია (International Federation of Journalists, IFJ) გმობს ჟურნალისტების მხრიდან სიძულვილის გამოვლინებას, განუცხადა საინფორმაციო სააგენტო РИА Новости-ს IFJ-ს გენერალურმა მდივანმა ენტონი ბელანჟერმა. 

მისი თქმით, ჟურნალისტებს, არსებული ვითარების გათვალისწინებით, მეტი პროფესიონალიზმის გამოჩენა მართებთ.  

„IFJ გმობს სიძულვილის ნებისმიერ გამოვლინებას ჟურნალისტებისა თუ პოლიტიკოსების მიერ. მასმედიას შეუძლია ჰქონდეს მტკიცე შეხედულებები და მოსაზრებები შეურაცხყოფისა და ლანძღვის გარეშე. ვინაიდან საქართველოში ჟურნალისტები უკვე დგანან ცეცხლის ხაზზე, საჭიროა მეტი პროფესიონალიზმი, ინფორმაციის მეტად დამოუკიდებლად მოწოდება და არა ცეცხლზე ნავთის დასხმა“, — განაცხადა ბელანჟერმა.

7 ივლისს ტელეკომპანია „რუსთავი 2“-ის ეთერში საავტორო გადაცემა „პოსტ-სკრიპტუმის“ კვირის გამოშვება დაიწყო გადაცემის წამყვანის მონოლოგით, რომელმაც უცენზურო ლექსიკის გამოყენებით შეურაცხყოფა მიაყენა რუსეთის პრეზიდენტ ვლადიმირ პუტინს. ამის შემდეგ ტელეკომპანიის შენობასთან ასობით ადამიანი შეიკრიბა, რომლებიც ნიკა გვარამიასა და გიორგი გაბუნიასგან ბოდიშის მოხდას მოითხოვდნენ, ხოლო ხელისუფლებას მოუწოდებდნენ, გაატაროს ზომები დაძაბულობის ესკალაციის აღსაკვეთად.

საქართველოს ხელისუფლების წარმომადგენლებმა, თავის მხრივ, მკვეთრი ფორმით გამოხატეს რეაქცია „რუსთავი 2“-ის ეთერთან დაკავშირებით. პრემიერმა მამუკა ბახტაძემ გაბუნიას გამონათქვამები ძალიან საშიში პროვოკაციის გამოვლინებად და დესტაბილიზაციის მცდელობად შეაფასა, ხოლო ქვეყნის საგარეო საქმეთა სამინისტრომ ჟურნალისტის გამოსვლას საქართველოსა და რუსეთს შორის დაძაბულობის შეტანის მცდელობა უწოდა.

 

თემები:
გინება პირდაპირ ეთერში - სკანდალი Rustavi 2-ის ირგვლივ (49)

მთავარი თემები