15:21 20 სექტემბერი 2020
პირდაპირი ეთერი
  • EUR3.8057
  • 100 RUB4.2817
  • USD3.2140
პოლიტიკა
მოკლე ბმულის მიღება
ცხელი პოლიტიკური ზაფხული: ახალი საპროტესტო ტალღა თბილისში (371)
131 0 0

არხის ინფორმაციით, პოლიცია, სავარაუდოდ, პარლამენტის უკანა შესასვლელის გადაკეტვას აპირებს რკინის ბარიერებით.

თბილისი,  21 ივნისი — Sputnik.  პარლამენტის მიმდებარე ტერიტორიაზე, სადაც საპროტესტო აქცია განახლდა, სამართალდამცველების განსაკუთრებული მობილიზებაა, იუწყება ტელეკომპანია „იმედი“. 

არხის ინფორმაციით, პოლიცია, სავარაუდოდ, პარლამენტის უკანა შესასვლელის გადაკეტვას აპირებს რკინის ბარიერებით.

ამ დროისათვის პარლამენტის წინ რამდენიმე ათასი მომიტინგეა შეკრებილი, რომლებიც შინაგან საქმეთა მინისტრის გადაგომას მოითხოვენ და გიორგი გახარიას განცხადების გაკეთებისთვის სამ საათს აძლევენ.  

აქციის მონაწილეებს მიაჩნიათ, რომ პოლიციამ არ უნდა დაასახიჩროს მოქალაქეები, რომლებიც სამართლიანად აპროტესტებენ ოკუპაციას.  

© Sputnik / Vladimir Umikashvili.
მასობრივი მიტინგი თბილისის ცენტრში - ვიდეო პარლამენტთან მიმდინარე აქციიდან

20−21 ივნისის ღამით, საქართველოს პარლამენტის წინ შეკრებილი მომიტინგეების დასაშლელად პოლიციამ სპეცსაშუალებები გამოიყენა:  წყლის ჭავლი, რეზინის ტყვიები და ცრემლსადენი გაზი. შედეგად, საავადმყოფოებში 240 ადამიანი გადაიყვანეს, მათ შორის, 80 პოლიციელი.

შსს-ს ინფორმაციით, სამართალდამცველებმა სხვადასხვა სამართალდარღვევისთვის აქციის 305 მონაწილე დააკავეს.

თემები:
ცხელი პოლიტიკური ზაფხული: ახალი საპროტესტო ტალღა თბილისში (371)

მთავარი თემები