19:21 21 ნოემბერი 2019
პირდაპირი ეთერი
  • EUR3.2956
  • 100 RUB4.6553
  • USD2.9776
სალომე ზურაბიშვილი

არეულობისკენ მოწოდება არის დანაშაული: ზურაბიშვილი ყოფილი პრეზიდენტის განცხადებაზე

photo : Sputnik / Aram Nersesyan
პოლიტიკა
მოკლე ბმულის მიღება
შუალედური და რიგგარეშე არჩევნები საქართველოში (105)
157 0 0

ყოფილმა პრეზიდენტმა მიხეილ სააკაშვილმა მხარდამჭერებს მიმართა

თბილისი, 19 მაისი  - Sputnik. საქართველოს პრეზიდენტი სალომე ზურაბიშვილი ყოფილი პრეზიდენტის, მიხეილ სააკაშვილის განცხადებას საკუთარ Facebook-გვერდზე გამოეხმაურა.

შუალედური და რიგგარეშე არჩევნები დასრულდა - შედეგების მოლოდინში >>

ყოფილმა პრეზიდენტმა, მიხეილ სააკაშვილმა მხარდამჭერებისადმი მიმართვა საკუთარი Facebook-ის გვერდზე გამოაქვეყნა და განაცხადა, რომ უნდა იყვნენ შეტევაზე და მხოლოდ შეტევაზე.

სალომე ზურაბიშვილის განცხადებით, ყოფილი პრეზიდენტის ეს განცხადება არეულობისკენ მოწოდებაა და სახელმწიფოს შეურაცხყოფას და დანაშაულს წარმოადგენს.

„ყოფილი პრეზიდენტის ასეთი ღია არაკონსტიტუციური და არასახელმწიფოებრივი განცხადება მაიძულებს, გამოვხატო შეშფოთება და პირდაპირი უარყოფა, იმის მიუხედავად, რომ აქამდე ვიკავებდი თავს რამე სახის კომენტარებისა და საარჩევნო პროცესში ჩარევისგან, ჩემი უპარტიო სტატუსის გამო. იგივე მოეთხოვება ნებისმიერ ყოფილ პრეზიდენტს, იმის მიუხედავად, ასრულებს რამე ფუნქციას თუ არა, არის ის ქვეყანაში თუ მის ფარგლებს გარეთ. არეულობისკენ მოწოდება არის სახელმწიფოს შეურაცხყოფა, ეს არის დანაშაული, როდესაც თქვენი ტერიტორია ოკუპირებულია“, – წერს სალომე ზურაბიშვილი.

19 მაისს თბილისში პარლამენტის შუალედური არჩევნები ჩატარდა. პარლამენტის დეპუტატის ასარჩევად შუალედური არჩევნების გამართვა აუცილებელი მას შემდეგ გახდა, რაც 2016 წელს საპარლამენტო არჩევნებში გამარჯვებულმა სალომე ზურაბიშვილმა 2018 წელს საქართველოს პრეზიდენტის პოსტი დაიკავა. იგი პარლამენტის დეპუტატი იყო მთაწმინდის მაჟორიტარული ოლქიდან.

თვალი ადევნეთ Sputnik-საქართველოს ონლაინ-ტრანსლაციას>>>

გარდა ამისა, მერების რიგგარეშე არჩევნები გაიმართა ხუთ რაიონში - ზუგდიდში, ჭიათურაში, ხულოში, ზესტაფონსა და მარნეულში, ხოლო საკრებულოების შუალედური არჩევნები კი რვა რაიონში – საგარეჯოს, ახმეტის, ადიგენის, ოზურგეთის, ჭიათურის, ტყიბულის, წყალტუბოსა და ზესტაფონის ოლქებში.

ზუგდიდის მუნიციპალიტეტის მერის რიგგარეშე არჩევნები
© Sputnik / Konstantin Ivanov.
ზუგდიდის მუნიციპალიტეტის მერის რიგგარეშე არჩევნები

 

თემები:
შუალედური და რიგგარეშე არჩევნები საქართველოში (105)

მთავარი თემები