23:47 19 ივლისი 2019
პირდაპირი ეთერი
  • EUR3.2191
  • 100 RUB4.5608
  • USD2.8714
გიორგი ქობულია

ეკონომიკის მინისტრი გიორგი ქობულია თანამდებობიდან მოხსნეს

© Sputnik / Alexander Imedashvili
პოლიტიკა
მოკლე ბმულის მიღება
საქართველოს მთავრობის ტრანსფორმაცია (49)
16310

ახალი მინისტრი გახდა ნათია თურნავა, რომელიც უწყების ხელმძღვანელის მოადგილის თანამდებობას იკავებდა

თბილისი, 18 აპრილი — Sputnik. საქართველოს პრემიერ-მინისტრმა მამუკა ბახტაძემ  ხელი მოაწერა ბრძანებას გიორგი ქობულიას საქართველოს ეკონომიკისა და მდგრადი განვითარების მინისტრის თანამდებობიდან გათავისუფლების შესახებ.

გიორგი ქობულია ამ თანამდებობაზე 2018 წლის ივნისიდან მუშაობდა. ის პრემიერ-მინისტრ მამუკა ბახტაძის ახალი გუნდის წევრი გახდა.

ტელეკომპანია Imedi-ს ინფორმაციით, ქობულიას გადადგომის მიზეზი ბახტაძესთან უთანხმოება გახდა.

ეკონომიკისა და მდგრადი განვითარების ახალი მინისტრი გახდა ნათია თურნავა, რომელიც უწყების ხელმძღვანელის მოადგილის თანამდებობას იკავებდა.

გიორგი ქობულია თბილისის სამედიცინო ინსტიტუტის და აშშ-ში ემორის უნივერსიტეტის (Emory University) კურსდამთავრებულია.

2001 წლიდან ქობულია მსოფლიოში ერთ-ერთი უმსხვილესი კონსალტინგური კომპანია McKinsey-ს გუნდის წევრი იყო. თანამდებობაზე დანიშვნამდე იყო McKinsey-ს მოსკოვის ოფისში უფროსი პარტნიორის რანგში და საერთაშორისო მასშტაბით ატარებდა კონსულტაციებს მეტალურგიული, ნავთობისა და გაზის და ასევე მომპოვებელი და გადამამუშავებელი კომპანიებისთვის. ეს კონსულტაციები მოიცავდა საორგანიზაციო ტრანსფორმაციას, სტრატეგიის შემუშავებას, შესყიდვების მოწესრიგებული სისტემის დანერგვას და სხვა მიმართულებებს.

სანამ შეუერთდებოდა კომპანია McKinsey-ს, ქობულია იყო საქართველოს კარდიოლოგიის ინსტიტუტის კარდიოლოგი, უმსხვილესი ამერიკული ფარმაცევტული კომპანია Merck-ის თანამშრომელი და Sharp & Dohme-ის მეცნიერი მუშაკი.

თემები:
საქართველოს მთავრობის ტრანსფორმაცია (49)

მთავარი თემები