21:48 14 ნოემბერი 2019
პირდაპირი ეთერი
  • EUR3.2566
  • 100 RUB4.5941
  • USD2.9568
სალომე ზურაბიშვილი

ზურაბიშვილი და მისი გუნდი: ახალი პრეზიდენტი ერთგულ ადამიანებს ეძებს

© photo: Salome Zourabichvili / FB
პოლიტიკა
მოკლე ბმულის მიღება
სალომე ზურაბიშვილის ინაუგურაცია (45)
11011

სალომე ზურაბიშვილმა განაცხადა, რომ ქვეყანას პრეზიდენტის ადმინისტრაციისთვის ზედმეტი ხარჯები არ სჭირდება.

თბილისი, 14 დეკემბერი — Sputnik. საქართველოს ახლად არჩეული პრეზიდენტი სალომე ზურაბიშვილი ინაუგურაციის შემდეგ პრეზიდენტის ადმინისტრაციაში მნიშვნელოვანი ცვლილებების შეტანას გეგმავს.

ზურაბიშვილის ქონება და პრეზიდენტის პოსტზე მისი კუთვნილი პრივილეგიები>>>

ინაუგურაცია კვირას, 16 დეკემბერს გაიმართება. ზურაბიშვილი ფიცს თელავში დადებს, სტუმრების მიღება კი წინანდალშია დაგეგმილი. მანამდე თბილისში ზურაბიშვილი ილია ჭავჭავაძის საფლავსა და გმირთა მემორიალს გვირგვინებით შეამკობს.

„რა თქმა უნდა, იქნება რეორგანიზაცია. მოდის ახალი პრეზიდენტი და მთლიანობაში ადმინისტრაციაში შემცირება მოხდება, რაც, ვთვლი, რომ აუცილებელია, რადგანაც ამ ქვეყანაში არ უნდა იყოს ზედმეტი ხარჯები ან პერსონალი. მაგრამ ის ადამიანები, რომლებიც ეფექტიანობისთვის არიან აუცილებელი, იმუშავებენ. იქნება რეორგანიზაცია, კონკურსი და კანონს სრულად დავიცავთ. ეს მთავარია", – განაცხადა სალომე ზურაბიშვილმა.

ადრე ზურაბიშვილმა განაცხადა, რომ მომავალი ადმინისტრაციის წევრებს მომავალ კვირაში წარმოადგენდა.

დღეისთვის ცნობილია, რომ პრეზიდენტის ადმინისტრაციას პატრიარქის საქველმოქმედო ფონდის ხელმძღვანელი ლაშა ჟვანია უხელმძღვანელებს, რომელიც ზურაბიშვილის საგარეო საქმეთა მინისტრობის პერიოდში მისი მოადგილე იყო.

რეორგანიზაციასთან ერთად ასევე იცვლება პრეზიდენტის სამუშაო ადგილი. ზურაბიშვილი, მიხეილ სააკაშვილისა და გიორგი მარგველაშვილისგან განსხვავებით, პრეზიდენტის ავლაბრის სასახლეში მუშაობას არ აპირებს. პრეზიდენტის ადმინისტრაცია ათონელის ქუჩაზე, ორბელიანების სასახლეში განთავსდება.

მმართველი პარტია „ქართული ოცნება - დემოკრატიული საქართველოს" მიერ მხარდაჭერილმა სალომე ზურაბიშვილმა არჩევნების მეორე ტურში ხმების 59,52% მოიპოვა. მისი კონკურენტი ყოფილი მმართველი პარტია „ერთიანი ნაციონალური მოძრაობის" წევრი გრიგოლ ვაშაძე იყო, რომელიც კანდიდატად ოპოზიციურმა გაერთიანებამ „ძალა ერთობაშია" დაასახელა.

 

თემები:
სალომე ზურაბიშვილის ინაუგურაცია (45)

მთავარი თემები