თუშეთის მიმართულებით ყოველკვირეული რეისები განახლდა

გამოწერა
შსს-ს ცნობით, ვერტმფრენი ომალოსა და მიმდებარე სოფლებში კვირაში ერთხელ იფრენს და მესაზღვრეებსა და ადგილობრივ მოსახლეობას მოემსახურება.

თბილისი, 17 ნოემბერი – Sputnik. შინაგან საქმეთა სამინისტროს სასაზღვრო პოლიციის ვერტმფრენმა ალვანიდან თუშეთის მიმართულებით ყოველკვირეული რეისები განაახლა, ნათქვამია უწყების მიერ გავრცელებულ განცხადებაში.

თოვის გამო თუშეთის გზა ჩაიკეტა>>

შსს-ს ცნობით, სასაზღვრო ავიაციამ განახლებული რეისით სოფელ ომალოში პირველი მგზავრები უკვე გადაიყვანა. გზის ჩაკეტვის გამო თუშეთში დარჩენილი მოსახლეობა კი ბარში ჩამოიყვანა.

„სასაზღვრო პოლიციის ვერტმფრენი საავტომობილო გზის ამოქმედებამდე, ადგილობრივი მოსახლეობის საჭიროებების უზრუნველსაყოფად, ომალოსა და მიმდებარე სოფლებში რეგულარულად, კვირაში ერთხელ იფრენს და მესაზღვრეებთან ერთად ადგილობრივ მოსახლეობასაც მოემსახურება“, – აღნიშნულია განცხადებაში.

უწყების ინფორმაციით, რეგულარული რეისების დანიშვნის შემდეგ თუშეთში ზამთრის პერიოდში ორჯერ მეტი მოსახლე რჩება.

თუშეთი - Sputnik საქართველო
პირიქითა თუშეთი: მთათა შორის და კლდეთა ახლოს

თუშეთში, რომელიც ზღვის დონიდან 1900-2400 მეტრის სიმაღლეზე მდებარეობს, 52 სოფელია. რთული გეოგრაფიული და მეტეოროლოგიური პირობების გამო ზამთრის სეზონზე, ოქტომბრიდან მაისამდე, ფშავი-აბანო-ომალოს საავტომობილო გზაზე მოძრაობა იზღუდება. ამ პერიოდში მაღალმთიანეთში მოხვედრა მხოლოდ ვერტმფრენით არის შესაძლებელი.

მთავრობის გადაწყვეტილებით, მაღალმთიან სოფლებში მუდმივად მცხოვრებ თუშებს ვერტმფრენი 2017 წლიდან ემსახურება.

ყველა ახალი ამბავი
0