07:05 30 ნოემბერი 2020
პირდაპირი ეთერი
  • EUR3.9545
  • 100 RUB4.3692
  • USD3.3164
საქართველოში
მოკლე ბმულის მიღება
ტრანსპორტი საქართველოში (353)
59 0 0

ფშაველი–აბანო–ომალოს საავტომობილო გზაზე რთული, მაღალმთიანი რელიეფის გამო ხშირად ხდება გზის სავალ ნაწილზე მიწა-კლდის მასის ჩამოსვლა და ქვათაცვენა.

თბილისი, 5 ნოემბერი — Sputnik. ფშაველი–აბანო–ომალოს საავტომობილო გზის 12-72 კმ მონაკვეთზე ყველა სახის ავტოტრანსპორტის მოძრაობა აკრძალულია, იუწყება საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი.

შიდასახელმწიფოებრივი მნიშვნელობის საავტომობილო გზის აღნიშნულ მონაკვეთზე მოძრაობა უამინდობისა და თოვის გამოა აკრძალული.

მანამდე, 3 ნოემბერს უკვე აიკრძალა თუშეთისკენ მიმავალი საავტომობილო გზის ლეჩური-ომალოს 18-72 კმ მონაკვეთზე ყველა სახის ავტოტრანსპორტის მოძრაობა.

საავტომობილო გზის 1-12 კილომეტრ მონაკვეთზე ავტოტრანსპორტის მოძრაობა თავისუფალია.

ფშაველი–აბანო–ომალოს საავტომობილო გზაზე რთული და მაღალმთიანი რელიეფის გამო გზის სავალ ნაწილზე ხშირად ხდება ქვათაცვენა.

ამ საავტომობილო გზის 18-72 კმ მონაკვეთი გადის რთულ კლდოვან რელიეფზე, ეს მონაკვეთი ზღვის დონიდან 2800 მეტრზე მდებარეობს, გზის სავალი ნაწილის სიგანე კი 5 მეტრამდეა, რაც ართულებს ავტოტრანსპორტის მიმოსვლას.

პირიქითა თუშეთი: მთათა შორის და კლდეთა ახლოს>>

აღნიშნული მონაკვეთის გაწმენდა რთული კლიმატური და რელიეფური პირობების გამო ზამთრის პერიოდში ვერ ხერხდება და, შესაბამისად, საავტომობილო მიმოსვლა ზამთარში აკრძალულია.

თემები:
ტრანსპორტი საქართველოში (353)

მთავარი თემები