„პირველი არხის" ოპერატორზე თავდასხმა: ბრალდებულს პატიმრობა შეეფარდა

© Sputnik / Alex Shlamovთბილისის სასამართლო
თბილისის სასამართლო - Sputnik საქართველო, 1920, 15.07.2021
გამოწერა
ბრალდებული გიორგი მაღრაძე თავს უდანაშაულოდ მიიჩნევს და აცხადებს, რომ ოპერატორზე თავდასხმაში არ მონაწილეობდა.
თბილისი, 15 ივლისი — Sputnik. თბილისის საქალაქო სასამართლომ დააკმაყოფილა პროკურატურის შუამდგომლობა და „პირველი არხის" ოპერატორ ილია თვალიაშვილის ცემის ფაქტზე 29 წლის გიორგი მაღრაძეს აღკვეთის ღონისძიების სახით პატიმრობა შეუფარდა, იუწყება „პირველი არხი“.
ტელეოპერატორს 5 ივლისს თბილისის ცენტრში ლგბტ-თემის მოწინააღმდეგეთა აქციაზე რადიკალური დაჯგუფებების წარმომადგენლებმა ორივე თვალი დაუზიანეს, იგი ცალი თვალით დაბრმავდა და უცნობია შეძლებს თუ არა სამუშაოს დაუბრუნდეს. თვალიაშვილის განმარტებით, იგი რამდენიმე ადამიანმა ალყაში მოაქცია და სცემა.
გამოძიების ცნობით, 5 ივლისს „თბილისი პრაიდის" მოწინააღმდეგეები თავს დაესხნენ ოპერატორს და სიტყვიერი და ფიზიკური შეურაცხყოფა მიაყენეს, რათა მას არ გადაეღო და არ გაევრცელებინა მათი აგრესიული ქმედებები.
დაპირისპირება 2021 წლის 6 ივლისს - Sputnik საქართველო, 1920, 14.07.2021
5 ივლისის აქციაზე „პირველი არხის“ ნაცემი ოპერატორი ცალი თვალით დაბრმავდა
პროცესზე პროკურორმა აღნიშნა, რომ „პირველი არხის“ ოპერატორის ჯანმრთელობის მდგომარეობას დღემდე ემუქრება საფრთხე და თუ ბრალდებულის მიმართ არ იქნება გამოყენებული პატიმრობა, ეს ვერ უზრუნველყოფს ბრალდებულის სათანადო ქცევას.
პროკურატურის პოზიციას არ დაეთანხმა თავად ბრალდებული.
„არ განმიხორციელებია არავისზე თავდასხმა და არ გამიკეთებია არაფერი, რის გამოც მე უნდა მომისაჯონ“, – განაცხადა გიორგი მაღრაძემ.
პოლიციამ ბრალდებული 14 ივლისს დააკავა. ამ ეტაპზე „პირველი არხის" ოპერატორზე თავდასხმის ბრალდებით ორი ადამიანია დაკავებული.
მას ბრალდება სსკ-ის 154-ე მუხლის მეორე ნაწილით (ჟურნალისტისათვის პროფესიულ საქმიანობაში უკანონოდ ხელის შეშლა, ჩადენილი ძალადობის მუქარით), 156-ე მუხლის მეორე ნაწილის „ა" ქვეპუნქტით (ადამიანის დევნა პროფესიულ მოღვაწეობასთან დაკავშირებით, ჩადენილი ძალადობით) და 225-ე მუხლის მეორე ნაწილით (ჯგუფურ ძალადობაში მონაწილეობა) წარედგინა, რაც 4-დან 6 წლამდე ვადით თავისუფლების აღკვეთას ითვალისწინებს.
 
ყველა ახალი ამბავი
0