ბათუმის N3 პენიტენციურ დაწესებულებაში პატიმარმა თანამესაკნე დაჭრა

© Pixabay / Pavlofoxციხე
ციხე - Sputnik საქართველო, 1920, 04.03.2021
გამოწერა
დაჭრილ პატიმარს სამოქალაქო სექტორის კლინიკაში გადაუდებელი ქირურგიული ოპერაცია ჩაუტარდა. ამ დროისათვის მისი მდგომარეობა მძიმეა.

თბილისი, 4 მარტი - Sputnik. ბათუმის N3 პენიტენციურ დაწესებულებაში მსჯავრდებულმა თანამესაკნეს მძიმე დაზიანებები მიაყენა, ნათქვამია სპეციალური პენიტენციური სამსახურის მიერ გავრცელებულ განცხადებაში. 

სასწრაფო დახმარება - Sputnik საქართველო, 1920, 26.02.2021
ქუთაისის საპატიმროში პატიმარმა თვითდაზიანებები მიიყენა: უწყების განცხადება

უწყების ცნობით, საკანში, სადაც მსჯავრდებულები იმყოფებოდნენ, 24-საათიანი ელექტრონულ-ვიზუალური მეთვალყურეობა ხორციელდება და დაზიანების მიყენებამდე თანამესაკნეებს შორის რაიმე სახის კონფლიქტს ან დაპირისპირებას ადგილი არ ჰქონია.

„2021 წლის 4 მარტს მსჯავრდებულმა ვ.ლ.-მ დაწესებულების თანამშრომლებს შეატყობინა, რომ მის თანამესაკნეს, ნ.ქ.-ს სამედიცინო დახმარება ესაჭიროებოდა. საკანში შესვლისას თანამშრომლებმა აღმოაჩინეს, რომ ვ.ლ.-ს ერთ-ერთ თანამესაკნეს (სულ საკანში სამი პატიმარი იყო), ნ.ქ.-ს თავისა და კისრის არეში დაზიანებები აღენიშნებოდა. დაჭრილ პირს პირველადი სამედიცინო დახმარება პენიტენციური დაწესებულების მედპერსონალმა აღმოუჩინა. დაზიანება ნ.ქ.-ს, სავარაუდოდ, მისმა მესამე თანამესაკნემ ვ.ა.-მ მიაყენა", – აღნიშნულია განცხადებაში.

ბათუმის ციხის ადმინისტრაციის განცხადებით, დაუყოვნებლივ მოხდა დაჭრილი პირის გადაყვანა სამოქალაქო სექტორის კლინიკაში, სადაც გადაუდებელი ქირურგიული ჩარევის შედეგად ექიმებმა პატიმრის გადარჩენა მოახერხეს. თუმცა, მისი მდგომარეობა მძიმეა.

უწყების ინფორმაციით, ჯერჯერობით უცნობია, რა გახდა დაპირისპირების მიზეზი.

მომხდარ ფაქტთან დაკავშირებით გამოძიება დაიწყო.

ყველა ახალი ამბავი
0