06:29 19 სექტემბერი 2020
პირდაპირი ეთერი
  • EUR3.8057
  • 100 RUB4.2817
  • USD3.2140
შემთხვევები
მოკლე ბმულის მიღება
შემთხვევები საქართველოში (1785)
273 0 0

შსს-ს სტატისტიკით, საქართველოში 2020 წლის პირველ ექვს თვეში ავარიებმა 203 ადამიანის სიცოცხლე იმსხვერპლა, მათ შორის 10 ბავშვია. სულ ამ პერიოდში მოხდა 2 270 ავარია, რომელსაც მძიმე შედეგები მოჰყვა. ავარიების ნახევარი თბილისში მოხდა. დანარჩენი ავარიები მოხდა რეგიონებში.

თბილისი, 6 სექტემბერი - Sputnik. საქართველოში ერთი მოზარდი დაიღუპა და მეორე მძიმედ დაშავდა დღეს მომხდარი ავარიების შედეგად.

12 წლის მოზარდი ავარიამ გორის მუნიციპალიტეტის სოფელ მარანასთან იმსხვერპლა.

ავტომანქანა გზის სავალი ნაწილიდან გადავარდა. ბავშვი სავარაუდოდ მძღოლის გვერდზე იჯდა. არსებული ინფორმაციით, მძღოლი მანქანას ნასვამ მდგომარეობაში მართავდა.

როგორც საქართველოს პირველ არხს შინაგან საქმეთა სამინისტროში განუცხადეს, ფაქტზე გამოძიება სსკ-ის 276-ე მუხლის მეექვსე ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.

ახალციხეში ბაიკერთა რბოლის დროს რვა წლის ბავშვს მოტოციკლი დაეჯახა.

დაშავებული კატასტროფის ბრიგადას თბილისში გადმოჰყავს. არსებული ინფორმაციით, მისი მდგომარეობა მძიმეა.

როგორც საქართველოს პირველ არხს შინაგან საქმეთა სამინისტროში განუცხადეს, მომხდარზე ძიება სსკ-ის 276–ე მუხლის მეორე ნაწილით დაიწყო, რაც გულისხმობს ავტომობილის მოძრაობის უსაფრთხოების ან ექსპლუატაციის წესის დარღვევას, რამაც ჯანმრთელობის ნაკლებად მძიმე დაზიანება გამოიწვია.

შედარებით „მსუბუქი“ ავტოსაგზაო შემთხვევა მოხდა ჟინვალთან. სამშენებლო მასალით დატვირთული სატვირთოს მძღოლმა საჭე ვერ დაიმორჩილა. ტრაილერი გადატრიალდა. ავარიის შედეგად არავინ დაშავებულა. დაზიანდა მსუბუქი ავტომობილი.

როგორც საქართველოს პირველ არხს შინაგან საქმეთა სამინისტროში განუცხადეს, ფაქტზე სატვირთოს მძღოლი ადმინისტრაციული წესით დაჯარიმდება.

შსს-ს სტატისტიკით, საქართველოში 2020 წლის პირველ ექვს თვეში ავარიებმა 203 ადამიანის სიცოცხლე იმსხვერპლა, მათ შორის 10 ბავშვია. სულ ამ პერიოდში მოხდა 2 270 ავარია, რომელსაც მძიმე შედეგები მოჰყვა. ავარიების ნახევარი თბილისში მოხდა. დანარჩენი ავარიები მოხდა რეგიონებში.

საქართველოში ავტოავარიების ყველაზე ხშირი მიზეზია შემხვედრ ზოლზე გასვლა ან გასწრების წესების დარღვევა. მეორე ადგილზე სიჩქარის გადაჭარბებაა, მესამეზე - დისტანციის დარღვევა მოძრაობისას.

თემები:
შემთხვევები საქართველოში (1785)

მთავარი თემები