07:04 23 სექტემბერი 2020
პირდაპირი ეთერი
  • EUR3.8267
  • 100 RUB4.2850
  • USD3.2537
შემთხვევები
მოკლე ბმულის მიღება
შემთხვევები საქართველოში (1789)
62 0 0

რთული რელიეფის მიუხედავად მეხანძრე-მაშველებმა შეძლეს ხანძრის ცენტრთან ტექნიკისა და ცოცხალი ძალის მობილიზება. მათ რეინჯერები და ადგილობრივი მოსახლეობა ეხმარებოდნენ.

თბილისი, 31 აგვისტო — Sputnik. ბორჯომი–ხარაგაულის ეროვნული პარკის ტერიტორიაზე ხანძარი, რომელიც გუშინ გაჩნდა, ამ დროისათვის ლიკვიდირებულია, იუწყება საქართველოს საგანგებო სიტუაციების მართვის სამსახური.

უწყების ცნობით, პირველადი დათვალიერებით, დამწვარია ტყის ქვედა საფარი დაახლოებით ოთხ ჰექტარზე.

„112"-ში შემოვიდა ინფორმაცია, რომ ახალციხის მუნიციპალიტეტში, ბორჯომ-ხარაგაულის ტყე-პარკის ამარათის მთის ფერდობზე არსებულ ტერიტორიაზე შეინიშნებოდა ხანძარი. შეტყობინების მიღებისთანავე ადგილზე დაუყოვნებლივ გაემართნენ მეხანძრე-მაშველთა ჯგუფები და ხანძარსაწინააღმდეგო ტექნიკა", – აღნიშნულია ინფორმაციაში.

რთული რელიეფის მიუხედავად მეხანძრე-მაშველებმა შეძლეს ხანძრის ცენტრთან ტექნიკისა და ცოცხალი ძალის მობილიზება. მათ რეინჯერები და ადგილობრივი მოსახლეობა ეხმარებოდნენ.

შსს-მ მომხდარზე გამოძიება სსკ-ის 187-ე მუხლის მეორე ნაწილით დაიწყო, რაც ცეცხლის წაკიდებით ნივთის დაზიანებას ან განადგურებას გულისხმობს.

ბორჯომი–ხარაგაულის ტყე-პარკი ევროპაში ერთ-ერთი ყველაზე დიდი ეროვნული პარკია. ნაკრძალს 5,3 ათასი კვადრატული კილომეტრი უკავია – საქართველოს მთლიანი ტერიტორიის 7,6%.

ბორჯომი–ხარაგაულის ტყეში ბინადრობენ წითელ წიგნში შესული ცხოველები და ფრინველები.

თემები:
შემთხვევები საქართველოში (1789)

მთავარი თემები