თბილისი, 30 ივლისი – Sputnik. ყაზახეთში საქართველოს 42 წლის მოქალაქე მოკლეს. ის თელაველი იყო, იუწყება ტელეკომპანია Rustavi2.
მამაკაცი საქართველოდან რამდენიმე თვის წინ გაემგზავრა და ყაზახეთში კერძო ბიზნესით იყო დაკავებული.
მკვლელობის მოტივი უცნობია. მამაკაცი ცივი იარაღით დაჭრეს. ის საავადმყოფოში გარდაიცვალა, თუმცა მანამდე დამნაშავის ვინაობა დაასახელა.
დაუდასტურებელი ინფორმაციით, ის ნაცნობმა მოკლა, რომელიც ასევე საქართველოს მოქალაქეა.
საგარეო საქმეთა სამინისტრო ცხედრის სამშობლოში გადმოსვენებაზე მოლაპარაკებებს აწარმოებს.
