01:17 23 სექტემბერი 2020
პირდაპირი ეთერი
  • EUR3.8267
  • 100 RUB4.2850
  • USD3.2537
შემთხვევები
მოკლე ბმულის მიღება
შემთხვევები საქართველოში (1789)
370 0 0

მოზარდი სახლიდან ველოსიპედით სასეირნოდ 18 ივლისის დილით გავიდა და უკან აღარ დაბრუნებულა. მას უკვე ხუთი დღეა აქტიურად ეძებენ.

თბილისი, 23 ივლისი — Sputnik. სვანეთში 13 წლის ილია ფილფანის გაუჩინარებასთან დაკავშირებით ყაზახეთის საელჩომ საქართველოს საგარეო საქმეთა სამინისტროს ნოტა გაუგზავნა, აცნობეს „Sputnik–საქართველოს“ დიპლომატიურ წარმომადგენლობაში.

В Сванети пропал 13-летний Илья Пилпани
photo: courtesy of Ksenia Pilpan
ილია ფილფანი

ილია ფილფანი ყაზახეთის მოქალაქეა. ის ალმათიდან ზამთრის თვეებში ჩამოვიდა დასასვენებლად მამის ნათესავებთან, თუმცა კორონავირუსის პანდემიის გამო უკან ყაზახეთში ვეღარ დაბრუნდა. 

ბიჭი სახლიდან ველოსიპედით სასეირნოდ 18 ივლისს, დილით გავიდა და უკან არ დაბრუნებულა. მისი დაკარგვის შესახებ შეტყობინება საგანგებო სიტუაციების მართვის სამსახურში 19 ივლისს შევიდა. ბოლოს ილია სოფელ ლენჯერში ნახეს.

„ჩვენ საქართველოს საგარეო საქმეთა სამინისტროში ნოტა გავგზავნეთ, რომელიც შემდეგ ქვეყნის შსს-ს გადაეგზავნება“, – განაცხადეს საელჩოში.

მოზარდის საძიებო სამუშაოებში ჩართულია 80 მაშველი, კრიმინალური პოლიციის თანამშრომლები, ათობით ადგილობრივი მცხოვრები, ვერტმფრენი. ტერიტორიის მონიტორინგი დრონების მეშვეობით მიმდინარეობს.

ტელეკომპანია Rustavi 2-ის ინფორმაციით, ბიჭს ურეკსა და ანაკლიაშიც ეძებენ. ზღვისპირა კურორტებზე მოზარდის ძებნის იდეა მას შემდეგ გაჩნდა, რაც ბიჭის მამამ განაცხადა, რომ ილია აღნიშნულ ადგილებს კარგად იცნობს.

თემები:
შემთხვევები საქართველოში (1789)

მთავარი თემები