ბავშვთა პორნოგრაფია: საქართველოში ავსტრალიის მოქალაქეს 20 წლით პატიმრობა შეეფარდა

© photo: Sputnik / Stringerსაქართველოს პროკურატურა
საქართველოს პროკურატურა - Sputnik საქართველო
გამოწერა
ავსტრალიისა და აშშ-ის მოქალაქეები საქმის მთავარი ფიგურანტები არიან. სასამართლომ ავსტრალიის მოქალაქე ბრალდების ყველა ეპიზოდში დამნაშავედ ცნო.

თბილისი, 16 ივნისი — Sputnik. თბილისის საქალაქო სასამართლომ სრულად გაიზიარა ბრალდების მხარის პოზიცია ე.წ. ბავშვთა პორნოგრაფიის საქმეზე და საქართველოს ორი და ავსტრალიის ერთი მოქალაქე ბრალდებულად ცნო, ნათქვამია საქართველოს პროკურატურის ვებ-გვერდზე გავრცელებულ განცხადებაში.

თბილისის საქალაქო სასამართლო - Sputnik საქართველო
ბავშვთა პორნოგრაფიის საქმეზე დაკავებული ათი პირის განაჩენი ცნობილია

სასამართლომ ისინი დამნაშავედ ცნო ბრალდების ყველა ეპიზოდში, კერძოდ, „წინასწარი შეცნობით არასრულწლოვნის გამოსახულების შემცველი პორნოგრაფიული ნაწარმოების დამზადება-გასაღება" და „ორგანიზებული ჯგუფის მიერ ორი ან მეტი არასრულწლოვნის მიმართ განხორციელებული ტრეფიკინგი".

საქართველოს შსს-მ ბავშვთა პორნოგრაფიის საქმის გახსნის შესახებ 2019 წლის 19 სექტემბერს გამოაცხადა. მაშინ დააკავეს 11 ადამიანი, მათ შორის აშშ-ის და ავსტრალიის მოქალაქეები. მოგვიანებით ბრალდებულთა რიცხვი 24-მდე გაიზარდა.

გამოძიებამ დაადგინა, რომ უცხოელებმა თბილისში ნაქირავებ ბინებში გახსნეს არალეგალური ფოტოსალონები, სადაც შემდგომი რეალიზებისთვის პორნოგრაფიულ მასალას იღებდნენ. დაზარალებულია 8-დან 14 წლამდე ასაკის 23 არასრულწლოვანი.

სასამართლომ ავსტრალიის მოქალაქეს 20 წლის ვადით თავისუფლების აღკვეთა, საქართველოს მოქალაქეებს კი 19-19 წლით პატიმრობა შეუფარდა.

ამავე საქმესთან დაკავშირებით თბილისის საქალაქო სასამართლო არასრულწლოვანთა მშობლებისა და ერთი მასწავლებლის წინააღმდეგ 11 სარჩელს განიხილავს. 10 მშობელს ბრალად ედება ხუთი არასრულწლოვნის მონაწილეობით პორნოგრაფიული ვიდეოს შექმნა, ხოლო სკოლის მასწავლებელს – არასრულწლოვანთა ტრეფიკინგში დახმარება.

ყველა ახალი ამბავი
0