20:19 01 ივნისი 2020
პირდაპირი ეთერი
  • EUR3.5366
  • 100 RUB4.5026
  • USD3.1761
შემთხვევები
მოკლე ბმულის მიღება
შემთხვევები საქართველოში (1435)
106 0 0

თვითმკვლელობამდე მიყვანის ფაქტზე დაწყებული სისხლის სამართლის საქმე, შემდგომი გამოძიების უზრუნველყოფის მიზნით, სახელმწიფო ინსპექტორის სამსახურს უკვე გადაეგზავნა

თბილისი, 22 მარტი - Sputnik. ვანში 18 მარტს ყაჩაღობის ბრალდებით დაკავებულმა 30 წლის მამაკაცმა სიცოცხლე თვითმკვლელობით დაასრულა, ნათქვამია უწყების მიერ გავრცელებულ განცხადებაში.

გამოძიებით დადგინდა, რომ წარსულში ყაჩაღობისთვის ნასამართლევმა ბრალდებულმა ქალაქ ვანში სუპერმარკეტ „მაგნიტის“ მოლარე-ოპერატორს ცეცხლსასროლი იარაღით დაემუქრა და ფულადი თანხა გაიტაცა.

„სამართალდამცველებმა დაკავებული დროებითი მოთავსების იზოლატორში გადაიყვანეს, სადაც ბრალდებულმა თვითმკვლელობა სცადა“, - ნათქვამია განცხადებაში.

ბრალდებული სამედიცინო დაწესებულებაში გადაიყვანეს, თუმცა მისი სიცოცხლის გადარჩენა ვერ მოხერხდა.

თვითმკვლელობამდე მიყვანის ფაქტზე სსკ-ის 115-ე მუხლით დაწყებული სისხლის სამართლის საქმე, შემდგომი გამოძიების უზრუნველყოფის მიზნით, სახელმწიფო ინსპექტორის სამსახურს უკვე გადაეგზავნა.

თემები:
შემთხვევები საქართველოში (1435)

მთავარი თემები