თბილისი, 8 მარტი — Sputnik. ოზურგეთის სოფელ ვაკიჯვარში ქარსაცავი ზოლი იწვის, იუწყება ტელეკომპანია Imedi.
ცეცხლი ნაძვნარს უკიდია და დაახლოებით 10 ჰექტარზეა გავრცელებული.
„ადგილზე მობილიზებულია ექვსი სახანძრო-სამაშველო ეკიპაჟი, 60-მდე მეხანძრე-მაშველი. მიმდინარეობს ხანძრის ქრობის სამუშაოები. საჭიროების შემთხვევაში გათენებისთანავე ქრობის სამუშაოებში ჩაერთვება სასაზღვრო პოლიციის ვერტმფრენი", - აცხადებენ საგანგებო სიტუაციების მართვის სამსახურში.
გავრცელებული ინფორმაციით, რთული რელიეფის გამო, ხანძრის ლოკალიზება ჯერჯერობით ვერ ხერხდება.
