16:15 27 ოქტომბერი 2020
პირდაპირი ეთერი
  • EUR3.8158
  • 100 RUB4.2209
  • USD3.2285
შემთხვევები
მოკლე ბმულის მიღება
შემთხვევები საქართველოში (1884)
850 0 0

დაშავებული სასწრაფო სამედიცინო დახმარების ბრიგადამ Geo Hospitals-ის კლინიკაში გადაიყვანა, სადაც მას გამოკვლევები ჩაუტარდა.

თბილისი, 24 თებერვალი — Sputnik. სამი წლის ბავშვი, რომელიც ბორჯომის ერთ-ერთი სასტუმროს აივნიდან გადმოვარდა, იაშვილის სახელობის თბილისის ცენტრალურ ბავშვთა საავადმყოფოში გადმოჰყავთ, განუცხადეს „Sputnik-საქართველოს“ კლინიკა Geo Hospitals-ში.

შემთხვევა ბორჯომში დღეს მოხდა. გავრცელებული ინფორმაციით, ბავშვი ქუვეითის მოქალაქეა. იგი მშობლებთან ერთად ბორჯომში ისვენებდა.

დაშავებული სასწრაფო სამედიცინო დახმარების ბრიგადამ Geo Hospitals-ის ბორჯომის კლინიკაში გადაიყვანა, სადაც მას გამოკვლევები ჩაუტარდა. ექიმების განცხადებით, ბავშვის ჯანმრთელობის მდგომარეობა სტაბილურია და მის სიცოცხლეს საფრთხე არ ემუქრება.

„პაციენტს კომპიუტერულ-ტომოგრაფიული კვლევა ჩაუტარდა თავისა და მუცლის ღრუს არეში. აღმოჩნდა მოტეხილობა, ამ წუთებში ვამზადებთ თბილისში გადასაყვანად, სადაც მკურნალობას პედიატრიულ კლინიკაში გააგრძელებს", – განაცხადა სამედიცინო ცენტრის მენეჯერმა ირაკლი დიასამიძემ.

მომხდარზე გამოძიება საქართველოს სსკ-ის 124-ე მუხლით აღიძრა, რაც გაუფრთხილებლობით ნაკლებად მძიმე ან მძიმე დაზიანებას გულისხმობს.

თემები:
შემთხვევები საქართველოში (1884)

მთავარი თემები