19:42 30 სექტემბერი 2020
პირდაპირი ეთერი
  • EUR3.8415
  • 100 RUB4.1711
  • USD3.2878
შემთხვევები
მოკლე ბმულის მიღება
კრიმინალი საქართველოში (1129)
841210

სპეციალისტების განცხადებით, კიბერთაღლითობის და სხვისი თანხის მითვისების შემთხვევები გახშირებულია. ისინი მოქალაქეებს მაქსიმალური სიფრთხილისკენ მოუწოდებენ

თბილისი, 29 დეკემბერი - Sputnik. საქართველოში ბოლო პერიოდში კიბერთაღლითობის სრულიად ახალ მექანიზმს იყენებენ, იუწყება ტელეკომპანია Rustavi2.

ტელეკომპანიის ცნობით, პირები საბანკო ბარათების მონაცემებს სპეციალური ელექტრონული მოწყობილობით აკოპირებენ. აპარატი ინფორმაციას პირდაპირი კონტაქტის გარეშე, რამდენიმე სანტიმეტრის დაშორებიდანაც კითხულობს. მოწყობილობა და მისი ნაწილები კი ინტერნეტ საიტებზე იყიდება.

ინფორმაციის გადმოწერა და შემდეგ უკვე თანხების გადარიცხვა შესაძლებელია ახალი ელექტრომოწყობილობის მიდებით ჩანთაზე ან საფულეზე, რომელშიც საბანკო ბარათია ჩადებული.

სპეციალისტების განცხადებით, ბოლო დროს კიბერთაღლითობის და სხვისი თანხის მითვისების შემთხვევები გახშირდა.

„რომ არ გავხდეთ კიბერდანაშაულის მსხვერპლი, აუცილებელია გვქონდეს ერთი ბარათი ცალკე უშუალოდ ელექტრონული ტრანზაქციებისთვის, რომელზეც მხოლოდ მაშინ გადავიტანთ თანხას, როცა ტრანზაქციას ვახორციელებთ. გადავიტანთ იმდენს, რამდენიც გვჭირდება იმ კონკრეტული შემთხვევისთვის. კარგია, თუ ბარათის უკან არსებულ უსაფრთხოების კოდს მარკერით დავმალავთ," - განაცხადა „უსაფრთხოების ექსპერტთა კავკასიის აკადემია - CASE-ს" დამფუძნებელმა ლაშა პატარაიამ.

ექსპერტები მოქალაქეებს მაქსიმალური სიფრთხილისკენ მოუწოდებენ.

თემები:
კრიმინალი საქართველოში (1129)

მთავარი თემები