თბილისი, 6 დეკემბერი — Sputnik. სახელმწიფო უსაფრთხოების სამსახური ქრთამის აღების ფაქტზე ქედის მუნიციპალიტეტის მერიის ზედამხედველობის სამსახურის უფროსი სპეციალისტის ტარიელ თურმანიძის დაკავებასთან დაკავშირებით ოფიციალურ განცხადებას ავრცელებს.
ინფორმაცია ქედის მუნიციპალიტეტის მერიის თანამშრომლის დაკავების შესახებ საინფორმაციო საშუალებებში გუშინ, საღამოს გავრცელდა.
უწყების ცნობით, დაკავებულმა მოქალაქეს ქედის მუნიციპალიტეტის სოფელ მეძიბნაში სახელმწიფო საკუთრებაში არსებულ მიწის ნაკვეთზე უნებართვო მშენებლობის მფარველობის სანაცვლოდ ქრთამის სახით მოსთხოვა და ორ ნაწილად აიღო 2 ათასი ლარი.
გამოძიება ქრთამის აღების ფაქტზე სსკ-ის 338-ე მუხლის პირველი ნაწილით მიმდინარეობს, რაც სასჯელის სახით ითვალისწინების თავისუფლების აღკვეთას 6-დან 9 წლამდე ვადით. გამოძიებას აწარმოებს სახელმწიფო უსაფრთხოების სამსახურის ანტიკორუფციული სააგენტო.