09:42 13 დეკემბერი 2019
პირდაპირი ეთერი
  • EUR3.1900
  • 100 RUB4.5362
  • USD2.8661
სკოლა

თბილისში მერვე კლასის მოსწავლე საწერი კალმით დაჭრეს

© Sputnik / Alex Shlamov
შემთხვევები
მოკლე ბმულის მიღება
შემთხვევები საქართველოში (1027)
109 0 0

თავდაპირველად გავრცელდა ინფორმაცია დანის გამოყენების შესახებაც, თუმცა ეს ფაქტი 116-ე სკოლის დირექტორმა ნანა ღაჭავამ კატეგორიულად უარყო.

თბილისი, 4 დეკემბერი — Sputnik. თბილისის 116-ე სკოლაში მოსწავლეები ერთმანეთს ფიზიკურად დაუპირისპირდნენ, იუწყება ტელეკომპანია Rustavi2.

გავრცელებული ინფორმაციით, შესვენებაზე მომხდარი შელაპარაკების შედეგად მეცხრეკლასელმა მერვე კლასის მოსწავლეს ფეხის არეში საწერი კალმით ჭრილობა მიაყენა. ბავშვი კლინიკაში გადაიყვანეს.

თავდაპირველად გავრცელდა ინფორმაცია დანის გამოყენების შესახებაც, თუმცა ეს ფაქტი 116-ე სკოლის დირექტორმა ნანა ღაჭავამ კატეგორიულად უარყო.

„როდესაც მანდატური ვიდეოკამერებს დისტანციურად ათვალიერებდა, აღმოაჩინა, რომ უფროსკლასელებს ხუმრობა უხეშ შელაპარაკებაში გადაეზარდათ. ერთ-ერთ მოსწავლეს მცირე ფიზიკური დაზიანება ჰქონდა. მაშინვე ჩამოიყვანეს ექიმთან, ყველანაირი ზომები მივიღეთ", – განაცხადა ღაჭავამ.

მომხდარის გამო სასწავლო დაწესებულებაში პოლიციის ეკიპაჟი იყო გამოძახებული.

როგორი უნდა იყოს უსაფრთხო სკოლა – განათლების სამინისტროს ხედვა>>

გამოძიება საქართველოს სსკ-ის 120-ე მუხლით მიმდინარეობს, რაც განზრახ მსუბუქ დაზიანებას გულისხმობს.

თემები:
შემთხვევები საქართველოში (1027)

მთავარი თემები